الماتى ورتالىق مەشٸتٸنٸڭ باس يمامى ەركٸنبەك شوقاي قاسيەتتٸ قادٸر تٷنٸندە ٸستەۋگە بولاتىن يگٸ جەتٸ امالدى اتاپ ٶتتٸ, دەپ حابارلايدى NUR.KZ.
بۇل تٷن اللا تاعالانىڭ ۇلى سٶزٸ — قۇرانعا ارنالعان تٷن. كٶپتەگەن زور ساۋاپتارعا كەنەلتەتٸن مىڭ ايدان دا حايىرلى بولعان قادٸر تٷنٸندە قانداي امال جاساعان ابزال دەگەن ساۋال ەربٸر مۇسىلماننىڭ ويىنا كەلەتٸنٸ راس. وسىعان وراي, نازارلارىڭىزعا قاسيەتتٸ تٷندە ورىنداۋعا رۇقسات ەتٸلگەن جەتٸ امالدى ۇسىنامىز.
بٸرٸنشٸدەن, ٶزٸڭٸزدٸڭ بارلىق كٷش-جٸگەرٸڭٸزدٸ سالىپ اللا تاعالادان دٷنيە جەنە اقىرەتٸڭٸزدٸ قامتىعان قاجەتتٸلٸكتەرٸڭٸزدٸ سۇرايتىن دۇعا جاساڭىز. سەبەبٸ, راببىمىز بۇل تٷنٸ بارلىق دۇعالاردى قابىل ەتەدٸ. ەڭ ماڭىزدىسى, بۇل تٷنٸ ٶز وتباسىڭىزدىڭ اماندىعى, ەلٸمٸزدٸڭ تىنىشتىعى, مەملەكەتٸمٸزدٸڭ ٶركەندەۋٸ, دٸنٸمٸزدٸڭ ەلٸمٸزدە كەڭ قانات جايىپ, دامۋىن سۇراپ دۇعا ەتۋدٸ ەستەن شىعارماڭىز. ەلدٸڭ اماندىعى مەن تىنىشتىعى – بٸز بەن سٸزدٸڭ اماندىعىمىز بەن تىنىشتىعىمىز.
ايشا انامىزدان (وعان اللا رازى بولسىن) پايعامبارىمىزدان (اللانىڭ وعان سالاۋاتى مەن سەلەمٸ بولسىن) بىلاي دەپ سۇراعانى باياندالادى: «ۋا, اللانىڭ ەلشٸسٸ, ەگەر مەن قادٸر تٷنٸنٸڭ باستالعانى تۋرالى بٸلسەم, نە ايتۋىم كەرەك?» ول:
«اللاھۋمما يننەكە عافۋۋن, كەرييمۋن. تۋحيببۋل-عافۋا فاعفۋ عاننيي» «ۋا, اللا, راسىندا, سەن – كەشٸرٸمدٸسٸڭ, كەشٸرۋدٸ جاقسى كٶرەسٸڭ. مەنٸ كەشٸرە گٶر!», – دەپ ايت», – دەدٸ.
ەكٸنشٸدەن, اللا تاعالانىڭ ٶزٸڭٸزگە بەرگەن كٷللٸ نىعمەتتەرٸن ەسٸڭٸزگە الىپ, وعان شٷكٸرلٸك ماقساتىندا ٶزٸڭٸز بٸلەتٸن بارلىق پەكتەۋ سٶزدەردٸ ايتىپ اللانى دەرٸپتەڭٸز. (مەسەلەن, ەلھامدۋلليللەھ, سۋبحاناللاھ, اللاھۋ اكبار, لەە يلەەھە يللاللاھ ت.ب.)
ٷشٸنشٸدەن, وسى كٷنگە دەيٸنگٸ بارلىق كٷنەلارىڭىز بەن قاتەلٸكتەرٸڭٸزدٸ ەسٸڭٸزگە تٷسٸرٸپ, اللا تاعالانىڭ كەشٸرۋٸن سۇراپ دۇعا جاساڭىز. سەبەبٸ, بارلىق كٷنەلاردى كەشٸرۋشٸ جالعىز اللا عانا. سونداي-اق, بارشا جاقسىلىقتار مەن باقىتتىڭ كٸلتٸ بولعان «استاعفيرۋللاھ» سٶزٸن شاماڭىز كەلگەنشە كٶپ قايتالاڭىز. سانى ماڭىزدى ەمەس.
تٶرتٸنشٸدەن, 2 رەكەت بولسا دا نەپٸل نامازىن وقىپ, نامازىڭىزدىڭ قابىل بولۋىن سۇراڭىز. سول تٷنٸ كٸم نەپٸل نامازداردى كٶبەيتسە, 83 جىل 4 اي ٷزدٸكسٸز نەپٸل نامازدا بولعان ادام بولاسىز.
بەسٸنشٸدەن, شاماڭىز كەلەتٸن كٶلەمدە ساداقا بەرٸڭٸز جەنە ساداقاڭىزدىڭ قابىل بولۋىن سۇراپ اللاعا جالبارىنىپ دۇعا ەتٸڭٸز. وسى كٷنٸ, ەگەر كٸم ساداقا بەرگەن بولسا, 83 جىل 4 اي ٷزدٸكسٸز ساداقا بەرگەن بولادى.
التىنشىدان, ارداقتى اللا ەلشٸسٸنٸڭ (وعان اللانىڭ يگٸلٸگٸ مەن سەلەمٸ بولسىن): «قييامەت كٷنٸ ماعان ەڭ جاقىن بولاتىندارىڭ مٸنەزدەرٸ ەڭ كٶركەم بولعاندارى», – دەگەن سٷيٸنشٸ حاديستٸ ەسٸڭٸزگە الىپ, مٸنەزٸڭٸزدٸ جاقسى جاققا قاراي ٶزگەرتۋگە كٷش سالىڭىز. سول كٷنٸ سٸز ەشكٸمگە ايقايلاپ سٶيلەمەي, سابىرلى بولىپ جٷرسەڭٸز, 83 جىل 4 اي سابىرلى بولعان ادام بولاسىز.
جەتٸنشٸدەن, پايعامبارىمىزدىڭ (وعان اللانىڭ يگٸلٸگٸ مەن سەلەمٸ بولسىن): «بٸر-بٸرلەرٸڭە سىيلىق بەرٸڭدەر, سوندا سٷيٸسپەنشٸلٸكتەرٸڭ ارتادى», - دەگەن سٶزٸن ەسٸڭٸزگە الىپ, جانىڭىزعا جاقىن ادامعا سىيلىق ۇسىنىڭىز. ونىڭ كٶلەمٸ ماڭىزدى ەمەس. سول كٷنٸ كٸم بٸرەۋگە سىيلىق بەرٸپ, مەيٸرٸمدٸلٸك تانىتسا, 83 جىل 4 اي مەيٸرٸمدٸلٸك تانىتىپ, جاقىن جٷرگەن ادام بولاسىز.
