قادٸر تٷنٸ الماتى ورتالىق مەشٸتٸندە - 2500 ادامعا اۋىزاشار, 1500 ادامعا سەرەسٸ بەرٸلمەك, دەپ حابارلايدى "ۇلت اقپارات".
بۇل تۋرالى الماتى قالاسى ورتالىق مەشٸتٸنٸڭ باسپاسٶز قىزمەتٸ مەلٸمدەدٸ.
«31-مامىر كٷنٸ, ياعني بٷگٸن الماتى قالالىق ورتالىق مەشٸتٸندە 2500 ادامعا اۋىزاشار داستارحانى جايىلىپ, قادٸر تٷنٸن مەشٸتتە كٷتۋشٸلەر ٷشٸن 1500 ادامعا لايىقتالعان سەرەسٸ بەرٸلمەك. ٶزدەرٸڭٸزگە بەلگٸلٸ, يسلام عالىمدارى قادٸر تٷنٸن رامازان ايىنىڭ 27-شٸ تٷنٸ دەپ توپشىلاعان. سوندىقتان دا مۇسىلمان ٷمبەتٸ اتالعان تٷندٸ ەرەكشە قادٸرلەپ, قۇرمەتتەيدٸ»,- دەدٸ باسپاسٶز قىزمەتٸ.
سونىمەن قاتار, بيىل قادٸر تٷنٸ الماتى ورتالىق مەشٸتٸندە ارنايى باعدارلاما بويىنشا اتالىپ ٶتپەك. اتاپ ايتقاندا, جاماعاتقا بٸلٸكتٸ وتاندىق دٸن عالىمدارى تٷرلٸ تاقىرىپتاردا ۋاعىزدار ايتىپ, قاريلار قۇران وقيدى. جاماعاتقا ۆيكتورينالىق سۇراقتار قويىلىپ, بەلسەندٸلٸك تانىتقاندارعا سىيلىقتار تابىستالادى. ورتالىق مەشٸتتە رامازان بويى مەشٸت جاماعاتى اراسىندا ٶتكەن «راببىم! بٸلٸمٸمدٸ ارتتىر!» سايىسى ٶز مەرەسٸنە جەتٸپ, جارىس جەڭٸمپازىنا ۇمرا قاجىلىعى بەرٸلەتٸن بولادى. پارىز بەن نەپٸل نامازدارى وقىلىپ, ەركٸن قۇلشىلىققا دا ۋاقىت بەرٸلەدٸ.
