سەنات تٶراعاسى مەۋلەن ەشٸمباەۆ پارلامەنتتٸڭ جەر قاتىناستارىن دامىتۋ مەسەلەلەرٸ بويىنشا زاڭدى قابىلداۋىنا بايلانىستى پٸكٸر بٸلدٸردٸ, دەپ حابارلايدى "ۇلت اقپارات".
ەنگٸزٸلگەن جاڭا نورمالارعا سەيكەس اۋىلشارۋاشىلىق جەرلەرٸن ساتۋعا موراتوريي 2026 جىلعى 31 جەلتوقسانعا دەيٸن ۇزارتىلدى. جالعا الۋ تەك قازاقستان ازاماتتارى مەن شەتەلدٸك قاتىسۋى جوق زاڭدى تۇلعالار ٷشٸن عانا قولجەتٸمدٸ بولىپ قالا بەرەدٸ. ال, اۋىل شارۋاشىلىعى جەرلەرٸن سۋبارەنداعا بەرۋگە تىيىم سالىنادى. بۇل زاڭ مەملەكەت باسشىسىنىڭ تاپسىرمالارىن ورىنداۋ ماقساتىمەن جەر رەفورماسى جٶنٸندەگٸ كوميسسييا جۇمىسىنىڭ قورىتىندىسى بويىنشا ەزٸرلەندٸ.
«بۇل زاڭدا جەردi قورعاۋعا, ونى ۇتىمدى جەنە ماقساتتى پايدالانۋعا ارنالعان جاڭا نورمالار قاراستىرىلعان. سوعان سەيكەس قازاقستان ازاماتتارىنا اۋىل شارۋاشىلىعى جەرلەرٸن جەكەمەنشٸككە بەرۋ جٶنٸندە جەر كودەكسٸندەگٸ نورمالاردىڭ قولدانىلۋىنا موراتوريي ۇزارتىلادى. قۇجاتقا جايىلىمدىق جەرلەردٸ پايدالانۋ مەسەلەلەرٸن رەتتەيتٸن, جەر ۋچاسكەلەرٸ بويىنشا اقپاراتتىڭ قولجەتٸمدٸلٸگٸ مەن اشىقتىعىن قامتاماسىز ەتەتٸن جاڭا نورمالار دا ەنگٸزٸلدٸ. ونىڭ بەرٸ ەلٸمٸزدٸڭ ۇلتتىق مٷددەسٸنە تولىعىمەن سەيكەس كەلەدٸ», – دەدٸ سەنات تٶراعاسى.
بۇدان بۇرىن حابارلانعانداي, پارلامەنت سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارىن دامىتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭىن ەكٸ وقىلىمدا قاراپ, قابىلدادى.
ەسكە سالساق, 2016 جىلى مەملەكەت باسشىسىنىڭ جارلىعىمەن جەر كودەكسٸنٸڭ جەكەلەگەن باپتارىنىڭ قولدانىسىنا موراتوريي ەنگٸزٸلگەنٸ بەلگٸلٸ. بۇل موراتوريي 2021 جىلى 31 جەلتوقساندا اياقتالادى.
