قاباردين-بالقار رەسپۋبليكاسىنىڭ چەگەم قالاسىندا تەرروريزمگە قارسى رەجٸم ەنگٸزٸلدٸ, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
ٶڭٸردٸڭ شۇعىل شتابىنان مەلٸم ەتكەندەي, جەكەمەنشٸك ٷيلەردٸڭ بٸرٸندە دٸني-ەكسترەميستٸك توپ مٷشەلەرٸ بولۋى ىقتيمال.
«5:00-دەن باستاپ چەگەم قالاسىندا, ونىڭ اۋماعىنىڭ بٸر بٶلٸگٸندە تەرروريزمگە قارسى رەجٸم ەنگٸزٸلدٸ», - دەدٸ فەدەرالدىق قاۋٸپسٸزدٸك قىزمەتٸنەن.
چەگەمدە دٸني-ەكسترەميستٸك توپ مٷشەلەرٸ مەن ولاردىڭ جەردەمشٸلەرٸنٸڭ ورنالاسقان جەرٸ تۋرالى حابار 17 قىركٷيەك كٷنٸ جەدەل-ٸزدەستٸرۋ شارالارى كەزٸندە الىنعان. ال تەرروريزمگە قارسى رەجٸم بٷگٸن تاڭەرتەڭ ەنگٸزٸلدٸ.
اگەنتتٸكتٸڭ بيلٸك ٶكٸلدەرٸنە سٸلتەمە جاساپ حابارلاۋىنشا, قولدا بار اقپاراتقا سەيكەس, جەدەل شارالار كەزٸندە ەكٸ لاڭكەستٸڭ كٶزٸ جويىلعان.