Junior Eurovision بالالار ەن بايقاۋىنىڭ رەسمي سايتىندا كٶرەرمەندەردٸڭ ونلاين-داۋىس بەرۋٸ باستالدى, دەپ حابارلايدى قازاقپارات.
ونلاين داۋىس بەرۋ 19 جەلتوقساندا ساعات 21.00-دە اشىلاتىن اۋقىمدى فينالدىق كونتسەرت باستالعانشا جالعاسادى. سودان كەيٸن بارلىق قاتىسۋشىلاردىڭ جاندى داۋىستاعى قويىلىمىنان كەيٸن قايتادان تەك 15 مينۋت ٸشٸندە داۋىس بەرۋگە بولادى. كٶرەرمەندەردٸڭ داۋىس بەرۋ نەتيجەلەرٸ قازىلار القاسىنىڭ باعالاۋىمەن بٸرگە قورىتىندىلانادى – وسىلايشا جەڭٸمپاز انىقتالادى.
بيىلعى قاتىسۋشىلار پاريجدەگٸ La Seine Musicale زالىنىڭ ساحناسىندا ٶنەر كٶرسەتەدٸ. ەن بايقاۋىنىڭ ترانسلياتسيياسىن ساعات 21:00-دە «حابار» تەلەارناسىنان تٸكەلەي ەفيردە كٶرۋگە بولادى.
