فوتو: Allur
Jetour Qazaqstan ديستريبۋتسييا كومانداسىنىڭ (Allur كومپانييالار توبى قۇرامىندا) 2026 جىلعى بەيجٸڭ اۆتوسالونىنا ساپارى – ەلەمدەگٸ ەڭ ٸرٸ اۆتوكٶرمەلەردٸڭ بٸرٸنە جاي عانا قاتىسۋ ەمەس, برەندتٸڭ الداعى جىلدارى قاي باعىتتا داميتىنىن كٶرۋگە مٷمكٸندٸك بولدى. بيىل JETOUR بەيجٸڭدە تەك جاڭا مودەلدەرگە عانا ەمەس, سونىمەن قاتار كەڭ اۋقىمدى يدەياعا – اۆتوموبيلدەر, تەحنولوگييالار, پايدالانۋشى تەجٸريبەسٸ مەن ساياحات فيلوسوفيياسىن بٸرٸكتٸرەتٸن Travel+ ستراتەگيياسىنا باسىمدىق بەردٸ.
بەيجٸڭگە ساپاردىڭ ماڭىزىن ارتتىرعان جايتتاردىڭ بٸرٸ – Jetour Qazaqstan كومپانيياسىنىڭ شتاب-پەتەر تاراپىنان حالىقارالىق دەڭگەيدە مويىندالۋى بولدى. ديستريبۋتسييا Outstanding Performance Award ماراپاتىنا يە بولدى, بۇل جٷلدە بيىل تەك ٷش ەلگە عانا تابىستالعان. ماراپات برەندتٸ دامىتۋداعى جوعارى نەتيجەلەر مەن JETOUR-دىڭ جەرگٸلٸكتٸ نارىقتاعى پوزيتسيياسىن نىعايتۋعا قوسقان ٷلەسٸ ٷشٸن بەرٸلدٸ. بۇل باعا قازاقستاندىق كوماندانىڭ جۇمىسىنىڭ جوعارى دەڭگەيٸن جەنە ونىڭ برەندتٸڭ جاھاندىق دامۋىنا قوسقان ەلەۋلٸ ٷلەسٸن كٶرسەتەدٸ. سونىمەن قاتار Jetour Qazaqstan digital باعىتتاعى جٷيەلٸ جەنە تيٸمدٸ جۇمىسى ٷشٸن New Media Global Marketing ماراپاتىن دا يەلەندٸ.
فوتو: Allur
جەكە ماراپات بلوگەر رۋسلان يبراگيموۆقا (Russokitchen) تابىستالىپ, ول Creative Vanguard Award جٷلدەسٸنە يە بولدى. بۇل سەت برەندتٸڭ قازٸرگٸ تاڭدا ۇستانىپ وتىرعان ٶزارا ەرەكەت مودەلٸن ايقىن كٶرسەتەدٸ: JETOUR تەك اۆتوموبيلدەرگە عانا ەمەس, ولاردىڭ اينالاسىندا قالىپتاساتىن تٸرٸ قاۋىمداستىققا دا مەن بەرەدٸ. ياعني ادامداردى كٶبٸرەك ساياحاتتاۋعا, جاڭا باعىتتاردى اشۋعا جەنە اۆتوكٶلٸكتٸ سول تەجٸريبەنٸڭ بٸر بٶلٸگٸ رەتٸندە قابىلداۋعا شابىتتاندىراتىن ورتا قالىپتاستىرۋعا ۇمتىلادى.
فوتو: Allur
مودەلدٸك قاتار تۇرعىسىنان JETOUR ستەندٸ ەڭ مازمۇندى الاڭداردىڭ بٸرٸ بولدى. برەند T1 جەنە T2 مودەلدەرٸنٸڭ گيبريدتٸ نۇسقالارىن, G700 فلاگماندىق جول تالعامايتىن كٶلٸگٸن, سونداي-اق TX ىقشام كروسسوۆەرٸ مەن F700 گيبريدتٸ پيكاپتى قوسا العاندا بٸرنەشە كونتسەپتۋالدى جەنە بولاشاق مودەلدەردٸ تانىستىردى. سونىمەن بٸرگە T-سەريياسىنىڭ دامۋى دا ەرەكشە نازار اۋدارتتى: جاڭا Jetour T8 كونتسەپتٸ برەندتٸڭ تەك جول تالعامايتىن باعىتتا عانا ەمەس, يەسٸنە مارشرۋت, ٶمٸر ىرعاعى مەن ساياحات فورماتىن ەركٸن تاڭداۋعا مٷمكٸندٸك بەرەتٸن كٶپفۋنكتسيونالدى كٶلٸكتەرگە بەت بۇرىپ جاتقانىن كٶرسەتەدٸ.
كٶرمەدەگٸ جاڭالىقتارمەن تانىسۋدان بٶلەك, ساپار اياسىندا بلوگەرلەر مەن جۋرناليستەر رۋسلان مۋكانوۆ, راشيت يلياسوۆ, ۆيكتورييا بەلگاەۆا, الەكساندر گابچەنكو, رۋسلان يبراگيموۆ, ەلەنا نيكيتەنكو, ولگا پريدچينا جەنە ماگجان ەبٸكەنوۆ جاڭا Jetour G700 مودەلٸن تەست-درايۆتان ٶتكٸزدٸ. بۇل ولارعا تەك كٶرمەدە تانىسىپ قانا قويماي, برەندتٸڭ ەڭ نازار اۋدارارلىق كٶلٸكتەرٸنٸڭ بٸرٸن ناقتى جاعدايدا سەزٸنۋگە مٷمكٸندٸك بەردٸ.
فوتو: Allur
بيىلعى بەيجٸڭ اۆتوسالونىندا JETOUR ٶز بولاشاعىن قالاي ەلەستەتەتٸنٸن ايقىن كٶرسەتتٸ: T-Series – جەڭٸل جولسىز جەرلەرگە ارنالعان سەگمەنتكە, ال G-Series – پرەميۋم دەڭگەيدەگٸ كٷردەلٸ جول تالعامايتىن باعىتقا جاۋاپ بەرەدٸ. بۇل رەتتە باستى نازار تەك ديزاين مەن جابدىقتاۋعا عانا ەمەس, قازٸرگٸ كروسسوۆەرلەر مەن جول تالعامايتىن كٶلٸكتەر ٷشٸن ماڭىزدى تەحنولوگييالارعا دا اۋدارىلدى. بەيجٸڭدە ۇسىنىلعان نەگٸزگٸ شەشٸمدەر قاتارىندا GAIA ارحيتەكتۋراسى, C-DM گيبريدتٸ تەحنولوگيياسى جەنە XWD ينتەللەكتۋالدى تولىق جەتەكتٸ جٷيەسٸ بار.
JETOUR-دىڭ بەيجٸڭ اۆتوسالونى–2026 كٶرمەسٸندەگٸ ماڭىزدى جاڭالىقتارىنىڭ بٸرٸ – ەلەمگە تانىمال مۋزىكانت Alan Walker-مەن كوللابوراتسيياسى بولدى. كٶرمە اياسىندا برەند ەرتٸسپەن بٸرلەسكەن جوباسىن ۇسىنىپ, ارنايى جاسالعان JETOUR T2 مودەلٸن تانىستىردى. بۇل جوبا ارقىلى قوزعالىس, ساياحات جەنە ەركٸندٸك يدەيالارى ەرەكشە اتاپ ٶتٸلدٸ. بۇل قادام Travel+ ستراتەگيياسىنىڭ بٸر بٶلٸگٸ رەتٸندە اۆتوموبيلدٸ تەك تەحنيكالىق قۇرال ەمەس, يەسٸنە بەرەتٸن تەجٸريبەنٸڭ ماڭىزدى ەلەمەنتٸ رەتٸندە كٶرسەتۋگە باعىتتالعان.
فوتو: Allur
قازاقستاندىق كوماندا ٷشٸن Auto China 2026 كٶرمەسٸنە قاتىسۋ – Jetour Qazaqstan-نىڭ جاھاندىق برەندپەن بٸر باعىتتا دامىپ كەلە جاتقانىن دەلەلدەيتٸن ماڭىزدى كەزەڭ بولدى. ەگەر بۇرىن مۇنداي ساپارلار كٶبٸنە بولاشاق جاڭالىقتارمەن تانىسۋ رەتٸندە قابىلدانسا, بٷگٸندە بۇل – جاڭا ٶنٸمدەرمەن, تەحنولوگييالارمەن جەنە ناقتى نەتيجەلەرمەن راستالعان حالىقارالىق دامۋ باعىتىنا تٸكەلەي قاتىسۋ.
