فوتو: rodina-history.ru
الماتىدا Jan Production جەكەمەنشٸك كينوستۋديياسىنا قاتىستى تەرگەۋ باستالدى. بۇعان سەبەپ – بالالارىن قوماقتى قاراجات تٶلەپ كاستينگكە جٸبەرگەن اتا-انالاردىڭ ارىزى. ولار جوباداعى قاتىسۋ ٷشٸن ميلليوندار سۇرالىپ, كەيبٸر جوبالار ٸسكە اسپاعانىن مەلٸمدەگەن, دەپ حابارلايدى Ult.kz.
بۇعان دەيٸن ەلەۋمەتتٸك جەلٸلەردە ستۋدييا جارناماسى كەڭٸنەن تانىلعان: قازاقستاندىق اكتەرلەر بالالاردى بٸرەگەي كينوجوباعا شاقىرىپ, قاتىسۋشىلارعا كينوعا تٷسۋ, پرەمەراعا بارۋ جەنە ليمۋزينمەن سەرۋەندەۋ سيياقتى ۋەدەلەر بەرگەن. بٸر اتا-انا تٸپتٸ 1,5 ميلليون تەڭگەگە دەيٸن سۇرالعانىن اشىق ايتقان.
الايدا, ستۋدييا اتاۋىمەن بايلانىستى قازاقستاندىق اكتەر جان بايجانباەۆ كومپانييانىڭ يەسٸ ەمەس ەكەنٸن جەنە كاستينگتەردٸ ۇيىمداستىرۋعا قاتىسپاعانىن مەلٸمدەدٸ. ول تەك اكتەر رەتٸندە جەنە امباسسادورلىق قىزمەت اتقارعانىن ايتتى.
الماتى پوليتسيياسى «الاياقتىق» بابىمەن قىلمىستىق ٸس قوزعاعانىن حابارلادى. قازٸرگٸ ۋاقىتتا تەرگەۋشٸلەر ستۋدييا باسشىلىعىنان جاۋاپ الۋدا. الدىن الا مەلٸمەت بويىنشا, جٷزگە جۋىق ادام ارىز تٷسٸرۋگە دايىن. ەگەر كٸنە دەلەلدەنسە, كومپانييا باسشىسى جەتٸ جىلعا دەيٸن باس بوستاندىعىنان ايرىلۋى مٷمكٸن.
ەسكە سالساق, بۇعان دەيٸن الماتىدا بالالارعا ارنالعان ونلاين-سەرۆيستەرگە قاتىستى دا داۋ تۋىنداعان بولاتىن.
