Foto: rodina-history.ru
Almatyda Jan Production jekemenshik kinostýdiiasyna qatysty tergeý bastaldy. Buǵan sebep – balalaryn qomaqty qarajat tólep kastingke jibergen ata-analardyń aryzy. Olar jobadaǵy qatysý úshin milliondar suralyp, keibir jobalar iske aspaǵanyn málimdegen, dep habarlaidy Ult.kz.
Buǵan deiin áleýmettik jelilerde stýdiia jarnamasy keńinen tanylǵan: qazaqstandyq akterler balalardy biregei kinojobaǵa shaqyryp, qatysýshylarǵa kinoǵa túsý, premeraǵa barý jáne limýzinmen serýendeý siiaqty ýádeler bergen. Bir ata-ana tipti 1,5 million teńgege deiin suralǵanyn ashyq aitqan.
Alaida, stýdiia ataýymen bailanysty qazaqstandyq akter Jan Baijanbaev kompaniianyń iesi emes ekenin jáne kastingterdi uiymdastyrýǵa qatyspaǵanyn málimdedi. Ol tek akter retinde jáne ambassadorlyq qyzmet atqarǵanyn aitty.
Almaty politsiiasy «alaiaqtyq» babymen qylmystyq is qozǵaǵanyn habarlady. Qazirgi ýaqytta tergeýshiler stýdiia basshylyǵynan jaýap alýda. Aldyn ala málimet boiynsha, júzge jýyq adam aryz túsirýge daiyn. Eger kiná dáleldense, kompaniia basshysy jeti jylǵa deiin bas bostandyǵynan airylýy múmkin.
Eske salsaq, buǵan deiin Almatyda balalarǵa arnalǵan onlain-servisterge qatysty da daý týyndaǵan bolatyn.
