يزرايلدە 24 مامىردا پرەمەر-مينيستر بينيامين نەتانياحۋعا قارسى "جەمقورلىق" جەنە "قىزمەتٸن اسىرا پايدالاندى" دەگەن ايىپپەن سوت باستالدى.
سوتتا نەتانياحۋ بۇل ايىپ "قولدان جاسالعان" دەپ مەلٸمدەپ, سوت زالىنان تٸكەلەي ترانسلياتسييا جٷرۋٸن تالاپ ەتتٸ.
يەرۋساليم وكرۋگتىق سوتىنىڭ ٷش سۋدياسى قاراپ جاتقان ٸسكە سۋديا ريۆكا فەلدمان-فريدمان تٶراعالىق ەتٸپ وتىر. ول بۇعان دەيٸن يزرايلدٸڭ بۇرىنعى پرەمەر-مينيسترٸ ەحۋد ولمەرتتٸ "پارا الۋ" ٸسٸ بويىنشا ايىپتى دەپ تاپقان ٷش سۋديانىڭ بٸرٸ بولعان.
نەتانياحۋ ٸسٸندە 300-گە جۋىق كۋەگەردەن جاۋاپ الۋ جوسپارلانىپ وتىر.
يزرايلدٸڭ پرەمەر-مينيسترٸ نەتانياحۋعا ايىپ 2019 جىلعى قاراشادا تاعىلعان. باس پروكۋراتۋرا نەتانياحۋعا مەن ونىڭ وتباسى 2007-2016 جىلدار ارالىعىندا امەريكالىق پروديۋسەر ارنون ميلچەن مەن اۆسترالييالىق بيزنەسمەن دجەيمس پاكەردەن جالپى سوماسى 250 مىڭ دوللار كٶلەمٸندە سىيلىق قابىلداعان دەپ ايىپتايدى. نەتانياحۋ تاعىلعان ايىپتى جوققا شىعارادى.
نەتانياحۋ يزرايل ٷكٸمەتٸن 2009 جىلدان باسقارىپ كەلەدٸ. 2020 جىلعى 17 مامىردا ەلدٸڭ زاڭ شىعارۋشى ورگانى – كنەسسەت وعان سەنٸم بٸلدٸرٸپ, ٶكٸلەتٸن ۇزارتقان.
