Izrailde 24 mamyrda premer-ministr Biniamin Netaniahýǵa qarsy "jemqorlyq" jáne "qyzmetin asyra paidalandy" degen aiyppen sot bastaldy.
Sotta Netaniahý bul aiyp "qoldan jasalǵan" dep málimdep, sot zalynan tikelei transliatsiia júrýin talap etti.
Ierýsalim okrýgtyq sotynyń úsh sýdiasy qarap jatqan iske sýdia Rivka Feldman-Fridman tóraǵalyq etip otyr. Ol buǵan deiin Izraildiń burynǵy premer-ministri Ehýd Olmertti "para alý" isi boiynsha aiypty dep tapqan úsh sýdianyń biri bolǵan.
Netaniahý isinde 300-ge jýyq kýágerden jaýap alý josparlanyp otyr.
Izraildiń premer-ministri Netaniahýǵa aiyp 2019 jylǵy qarashada taǵylǵan. Bas prokýratýra Netaniahýǵa men onyń otbasy 2007-2016 jyldar aralyǵynda amerikalyq prodiýser Arnon Milchen men avstraliialyq biznesmen Djeims Pakerden jalpy somasy 250 myń dollar kóleminde syilyq qabyldaǵan dep aiyptaidy. Netaniahý taǵylǵan aiypty joqqa shyǵarady.
Netaniahý Izrail úkimetin 2009 jyldan basqaryp keledi. 2020 jylǵy 17 mamyrda eldiń zań shyǵarýshy organy – knesset oǵan senim bildirip, ókiletin uzartqan.
