يزرايل ۇشاقتارى پالەستينا اۋماعىنان ۇشىرىلعان "جاناتىن شارلارعا" جاۋاپ رەتٸندە تاعى دا گازاداعى ەسكەري نىسانداردى اتقىلادى. وسىمەن بٸر اپتا ٸشٸندە اۋماقتا جاعداي ەكٸنشٸ رەت ۋشىعىپ وتىر. بۇل مامىر ايىنداعى 11 كٷنگە سوزىلعان قانتٶگٸستەن كەيٸن جاسالعان اتىستى توقتاتۋ تۋرالى كەلٸسٸمنٸڭ بۇزىلۋىنا قاۋٸپ تٶندٸرگەن.
يزرايل ەسكەرٸنٸڭ ايتۋىنشا, حاماس توبىنىڭ جٸبەرگەن "جانعىش زاتتار تولى" شارلارى يزرايلدە القاپتاردىڭ ٶرتەنۋٸنە سەبەپ بولعان, وعان جاۋاپ رەتٸندە قارۋلى كٷشتەر گازاداعى ەسكەري نىساندارعا ەۋەدەن سوققى بەرگەن.
بۇعان دەيٸن يزرايل قارۋلى كٷشتەرٸ "وقيعا قالاي ٶربٸمەسٸن, ساقاداي ساي دايىن وتىرعانىن" مەلٸمدەگەن.
حاماس "سوققىسىنان كەيٸن" يزرايلدٸڭ وڭتٷستٸگٸندەگٸ كەيبٸر جەرلەردە سيرەنا ويناعان, بٸراق ەسكەريلەر گازادان زىمىران تٷسپەگەنٸن ايتتى. تەك بٸر جەردە اتىس تٸركەلگەن. 2 ملن ادام تۇراتىن حالقى تىعىز ورنالاسقان گازا سەكتورىنان زارداپ شەككەندەر جايلى مەلٸمەت تٷسپەدٸ.
وسى اپتادا يزرايلدە ٷكٸمەت اۋىسىپ, ۋلتراوڭشىل ساياساتكەر نافتالي بەننەت باستاعان جاڭا ٷكٸمەت مٷشەلەرٸ ٸسكە كٸرٸسكەن. بۇل - بەننەت ٷكٸمەتٸ تۇسىندا جاسالعان العاشقى شابۋىل.
