يزرايلدٸڭ بۇرىنعى پرەمەر-مينيسترٸ بينيامين نەتانياحۋ ۆاكتسينانىڭ ٷشٸنشٸ دوزاسىن سالدىرىپ وتىر. تەل-اۆيۆ, يزرايل. 30 شٸلدە, 2021 جىل.
يزرايلدٸڭ Covid-كە قارسى ەكپە سالدىرعان 12 جاستان اسقان تۇرعىندارى جەكسەنبٸدەن باستاپ ۆاكتسينانىڭ ٷشٸنشٸ دوزاسىن سالعىزا الادى. ساراپشىلاردىڭ ايتۋىنشا, بۇل ادام يممۋنيتەتٸن نىعايتا تٷسۋگە كٶمەكتەسەدٸ. بۇل جٶنٸندە Reuters اگەنتتٸگٸ حابارلادى, دەپ جازادى ازاتتىق.
مۇنىڭ الدىندا قارتتار مەن سوزىلمالى اۋرۋى بار ادامداردىڭ قايتا ۆاكتسينا سالعىزۋىنا رۇقسات ەتٸلگەن. كەيٸن ٷشٸنشٸ دوزا سالعىزۋعا رۇقساتى بار تۇرعىنداردىڭ جاسى تٶمەندەي بەردٸ. سوڭعى رەت 30-دان اسقانداردىڭ بەرٸنە قايتا ەكپە الۋ مٷمكٸندٸگٸ بەرٸلدٸ.
يزرايل دەنساۋلىق ساقتاۋ مينيسترلٸگٸ مۇنداي شەشٸمگە ەكٸ نەگٸز بار دەدٸ.
بٸرٸنشٸدەن, قايتا سالىنعان ۆاكتسينا قاتتى اۋىرعاندار سانىن ەدەۋٸر ازايتقان. مۇنى ەلدٸڭ پرەمەر-مينيسترٸ نافتالي بەننەتت تە ايتتى. ەكٸنشٸدەن, الدىن الا مەلٸمەتكە قاراعاندا, Pfizer ەكپەسٸنٸڭ كٷشٸ (يزرايل ازاماتتارىنىڭ كٶبٸنە وسى ۆاكتسينا سالىنعان) ەكٸنشٸ ۆاكتسينانى سالعاننان جارتى جىل ٶتكەن سوڭ تٶمەندەي باستايدى. يزرايلدە ەكپە سالدىرعاندار اراسىندا كوروناۆيرۋسپەن اۋىرعانداردىڭ كٶبەيۋٸنە وسى جايت تا سەبەپ بولعان.
قازٸر يزرايل تۇرعىندارىنىڭ 20 پايىزى, ياعني 2 ميلليونداي ادام ۆاكتسينانىڭ ٷشٸنشٸ دوزاسىن العان.
امەريكا قۇراما شتاتتارى دا بۇرىن تولىق ۆاكتسينا العان ازاماتتارىنا ەكپەنٸڭ ٷشٸنشٸ دوزاسىن سالاتىنىن جارييالادى. دەگەنمەن, ەكٸ ەلدە دە حالىقتىڭ بٸراز بٶلٸگٸ (يزرايلدە – حالىقتىڭ 20 پايىزى, اقش-تا – 40 پايىزى) ەلٸ مٷلدە ەكپە سالدىرماعان. بۇل ەلدەردە Covid-كە قارسى ۆاكتسينا سالۋ مٸندەتتٸ ەمەس.
يزرايل, اقش جەنە ەۋروپانىڭ كەي ەلٸندە كوروناۆيرۋسپەن اۋىرعانداردىڭ قايتا كٶبەيۋٸنە ەكپە سالدىرماعاندار اراسىندا اسا جۇقپالى "دەلتا" شتامىنىڭ تارالۋى سەبەپ دەيدٸ ساراپشىلار.
يزرايل – تۇرعىندارىنا كوروناۆيرۋسقا قارسى ەكپەنٸ جاپپاي سالۋدى العاش باستاعان ەلدەردٸڭ بٸرٸ. ناۋقاندى جەلتوقساندا باستاعان يزرايل بٸرنەشە ايدا ەرەسەك تۇرعىندارىنىڭ جارتىسىنا ۆاكتسينا سالىپ ٷلگەردٸ. ال جاڭادان كوروناۆيرۋس جۇقتىرعاندار سانى كٷرت ازايدى. ٸندەت ٶرشٸگەن تۇستا ەلدە تەۋلٸگٸنە 10 مىڭداي ادام كوروناۆيرۋس جۇقتىرسا, بۇل كەزدەرٸ ونداعان ادامنان عانا ۆيرۋس تابىلىپ جاتتى.
الايدا "دەلتا" شتامى تاراعالى بەرٸ ۆيرۋس جۇقتىرعاندار قايتا كٶبەيدٸ.
