تٷركٸستان وبلىسىندا ٸز-تٷزسٸز جوعالعان ازاماتتى قارىزىن قايتارعىسى كەلمەگەن تانىسىن ٶلتٸرگەنٸ انىقتالدى. بۇل تۋرالى ٶڭٸرلٸك پوليتسييا دەپارتامەنتٸ حابارلادى.
14 ناۋرىز كٷنٸ تٷنگٸ ساعات 23:00 شاماسىندا تٷركٸستان وبلىسى سايرام اۋداندىق پوليتسييا باسقارماسىنا جەرگٸلٸكتٸ ەيەل تۇرعىن كٷيەۋٸنٸڭ ٸز-تٷزسٸز جوعالعانى تۋرالى حابارلاعان. سايرامدىق ساقشىلار جوعالعان ازاماتتى ٸزدەۋگە بٸردەن كٸرٸسكەن. جان-جاققا باعىتتامالار بەرٸلٸپ, اۋداندىق پوليتسييا باسقارماسىنىڭ جەكە قۇرامى جۇمىلدىرىلدى. اۋدانداعى تاكسي جٷرگٸزۋشٸلەرٸنەن جەنە كٶرۋٸ مٷمكٸن دەگەن تۇرعىنداردان سۇراق-جاۋاپ الىندى.
اتقارىلعان اۋقىمدى جۇمىستىڭ نەتيجەسٸندە اۋدان پوليتسەيلەرٸ كٷدٸكتٸنٸڭ ٸزٸنە تٷسكەن. ول جوعالعان ازاماتتىڭ تانىسى, سايرام اۋدانى, قارامۇرت اۋىلىنىڭ تۇرعىنى. كٷدٸكتٸ ٶز كٸنەسٸن مويىنداماي, جاۋاپتان جالتارۋعا تىرىسقان.
«الايدا پوليتسەيلەر دەلەلدەر مەن ايعاقتى زاتتاردى جيناقتاپ, جوعالعان ازامات ٶزٸنٸڭ «بمۆ» كٶلٸگٸن تاستاپ, تەك وسى كٷدٸكتٸمەن جولىققانىن جەنە كٷدٸكتٸنٸڭ كٶلٸگٸنە وتىرىپ كەتكەنٸن تولىعىمەن دەلەلدەدٸ. وسىدان سوڭ كٷدٸكتٸ ٶز كٸنەسٸن تولىق مويىندادى», - دەدٸ پوليتسييادان.
تەكسەرۋ بارىسىندا بەلگٸلٸ بولعانداي, جوعالعان ازامات ٶز تانىسىنان ٸرٸ كٶلەمدەگٸ اقشاسىن الۋ ٷشٸن جولىققان. كٷدٸكتٸنٸڭ كٶلٸگٸنە وتىرىپ, جولدا كەتٸپ بارا جاتقاندا ەكەۋٸنٸڭ اراسىندا داۋ-جانجال تۋىنداعان. سالدارىنان قارىزدى قايتارعىسى كەلمەگەن كٷدٸكتٸ ەر ازاماتتى بۋىندىرىپ ٶلتٸرگەن. قىلمىس ٸزٸن جاسىرۋ ماقساتىندا دەنەسٸن كارەردٸڭ ماڭىنا كٶمٸپ تاستاعان.
«كٷدٸكتٸ ەر ازامات قاماۋدا. ول بۇرىن سوتتى بولماعان. وعان قاتىستى قر قك-نٸڭ 99-بابى 1-بٶلٸگٸمەن («ادام ٶلتٸرۋ») سوتقا دەيٸنگٸ تەرگەپ-تەكسەرۋ جۇمىستارى جٷرگٸزٸلۋدە. ٸستٸڭ تولىق مەن-جايى تەرگەۋ بارىسىندا انىقتالاتىن بولادى», - دەپ تولىقتىردى پوليتسييادان.
