يتالييانىڭ ليدو ارالىندا 77-شٸ ۆەنەتسييا كينوفەستيۆالٸ باستالدى, دەپ حابارلايدى "ۇلت اقپارات" Euronews اگەنتتٸگٸنە سٸلتەمە جاساپ.
بۇل - پاندەمييا باستالعالى بەرٸ وسىنداي اۋقىمداعى ەڭ العاشقى شارا. مىسالى كانن فەستيۆالٸن ۇيىمداستىرۋشىلار جۇلدىزداردى شاقىرۋعا قاۋٸپتەنگەن بولاتىن. ال بۇل جاعدايدا فەستيۆال ونلاين فورماتقا اۋىستىرىلعان جوق. مۇندا تەك ەكسپەريمەنت كينو بايقاۋى عانا ونلاين ٶتەدٸ.
شارادا قاۋٸپسٸزدٸك تالاپتارى ساقتالعان. كٶرەرمەندەر قىزىل كٸلەممەن جٷرٸپ ٶتكەن جۇلدىزداردى تاماشالاي المادى, زالداعى ورىن سانى ازايعان, ال ماسكانى بارلىعى تاعۋعا مٸندەتتەلدٸ.
«بٸز حالىقتىڭ كٶڭٸل-كٷيٸن كٶتەرٸپ, ولارعا وپتيميزم سىيلاعىمىز كەلدٸ. سونىمەن بٸرگە رەجيسسەرلەر, پروديۋسەرلەر, جالپى كينو ەلەمٸندە جٷرگەن بارلىق مامانعا قولداۋ كٶرسەتۋدٸ ۇيعاردىق. ودان بٶلەك, كينوتەاتر يەلەرٸ بٸزگە قۇلاق اسادى دەپ ٷمٸتتەنەمٸز, ٶيتكەنٸ بۇل جٷيەنٸ قايتا ٸسكە قوسۋ كەرەك. جاڭا كارانتينگە بۇل سالا ەندٸ تٶتەپ بەرە المايدى. بٸز كٶپشٸلٸكتٸڭ سەنٸمٸن قايتارىپ الۋعا تيٸسپٸز», - دەيدٸ ۆەنەتسييا كينوفەستيۆالٸنٸڭ كٶركەمدٸك ديرەكتورى البەرتو باربەرا.
كينوفەستيۆالدٸڭ اشىلۋىنا بٸر كٷن قالعاندا «مولەكۋلا» اتتى دەرەكتٸ فيلم كٶرسەتٸلدٸ. وندا يەسٸز بوس قالعان سۋ ٷستٸندەگٸ قالانىڭ تٸرشٸلٸگٸ تۋرالى ايتىلادى. ول بٷكٸل يتالييانىڭ كوروناۆيرۋس ەپيدەميياسى كەزٸندەگٸ جاعدايىنان حابار بەرەدٸ.
«مەن بٸزدٸڭ ٶمٸرٸمٸزدٸڭ نەگە سونشالىقتى شەكتەۋلٸ ەكەنٸن زەرتتەپ كٶرگٸم كەلدٸ. پاندەمييا وسىنى بايقاپ, كەدٸمگٸدەي سەزٸنۋٸمٸزگە سەبەپ بولدى. ودان قانداي ساباق الۋعا بولادى? بەلكٸم, سونىڭ بەرٸنە ٷنسٸز, كٷرەسسٸز كٶندٸگۋ كەرەكتٸگٸن تٷسٸنگەن شىعارمىز» دەيدٸ رەجيسسەر اندرەا سەگرە.
ٸس-شارانىڭ رەسمي باعدارلاماسىنا 50 ەلدەن 60 كينوكارتينا ەنگٸزٸلگەن. سوڭعى 10 جىلدا العاش رەت يتالييالىق لەنتا فەستيۆالدٸ اشىپ بەردٸ, ول - دانيەلە لۋكەتتيدٸڭ «باۋ» اتتى كارتيناسى.
