يتالييادا COVID-19 ۆيرۋسىن 2263 ادام جۇقتىرعان. بۇل تۋرالى ەلدٸڭ ازاماتتىق قورعانىس ۇلتتىق قىزمەتٸنٸڭ باسشىسى اندجەلو بوررەللي ايتتى, دەپ حابارلايدى ANSA.
الايدا, ايتا كەتكەن جٶن, ەمدەلٸپ شىققاندار سانى 160 ادامدى قۇرادى. بۇل دٷيسەنبٸدەگٸ كٶرسەتكٸشتەن 11-گە كٶپ.
ەسكە سالايىق, يتالييادا كوروناۆيرۋستان العاش رەت 21 اقپاندا بٸر ادام كٶز جۇمدى. ول قىتايدا پايدا بولعان جاڭا كوروناۆيرۋستىڭ ەۋروپاداعى العاشقى قۇربانى بولدى.
يتالييا دەنساۋلىق ساقتاۋ مينيسترٸ روبەرتو سپەرانتسانىڭ ايتۋىنشا, 78 جاستاعى ەر ادام سولتٷستٸكتەگٸ پادۋيا قالاسىندا اۋرۋحانادا كٶز جۇمعان. ول مەديتسينا مەكەمەسٸندە 10 كٷن بويى ەم العان. سونداي-اق, يتالييادا كوروناۆيرۋستان 52 ادام كٶز جۇمعانىن حابارلاعان ەدٸك.
