يتالييا بيلٸگٸ كەيٸنگٸ بٸر كٷندە كوروناۆيرۋستان 969 ادام قايتىس بولعانىن حابارلادى. بۇل ەلدە Covid-19 دەرتٸنەن كٶز جۇمعاندار 9134 ادامعا جەتتٸ. 24 ساعات ٸشٸندە 5909 ادامنان ۆيرۋس تابىلىپ, ەلدە ۆيرۋس جۇقتىرعاندار 86 مىڭنان اسىپ كەتتٸ. يتالييا قازٸر قايتىس بولعاندار بويىنشا ەلەمدە بٸرٸنشٸ, ۆيرۋس جۇقتىرعاندار بويىنشا اقش-تان (96 مىڭنان استام ادامنان ۆيرۋس تابىلدى) كەيٸن ەكٸنشٸ بولىپ تۇر.
يسپانييادا بٸر كٷندە 569 ادام قايتىس بولدى. قازٸر بۇل ەلدە بارلىعى 64 مىڭنان استام ادام ۆيرۋس جۇقتىرىپ, 4934 ادام كٶز جۇمدى.
ۆيرۋس العاش تاراعان قىتايدا كەيٸنگٸ بٸر كٷندە 55 ادامنان ۆيرۋس تابىلىپ, بەس ادام قايتىس بولدى. بۇل ەلدە كٷن سايىن ۆيرۋس جۇقتىرعاندار ازايىپ كەلەدٸ.
دجون حوكينس ۋنيۆەرسيتەتٸنٸڭ دەرەگٸنشە, 27 ناۋرىزدا ەلەمدە كوروناۆيرۋس جۇقتىرعاندار 566 مىڭنان استى. 25423 ادام قايتىس بولدى. 127768 ادام دەرتٸنەن ايىقتى.
