يتالييانىڭ پرەمەر-مينيسترٸ دجۋزەپپە كونتە كوروناۆيرۋسپەن كٷرەس ماقساتىندا ٷكٸمەت ەنگٸزگەن قاتال كارانتين شارالارىن شەتٸنەن جەڭٸلدەتە تٷسۋ جٶنٸندەگٸ جارلىققا قول قويدى.
بۇل تۋرالى ANSA اگەنتتٸگٸ حابارلادى.
4 مامىر كٷنٸ ەلدە ٶنەركەسٸپ ٶندٸرٸسٸ قايتا جاندانادى. سونىمەن قاتار ساياباقتار, قۇرىلىس الاڭدارى مەن ەكسپورتقا تاۋار شىعاراتىن كەسٸپورىندار جۇمىسىن باستايدى. الايدا جۇمىس بەرۋشٸلەر جۇمىس ورنىن مۇقييات دەزينفەكتسييالاپ, جۇمىسشىلار ٶزارا قاۋٸپسٸز ارا قاشىقتىقتى ساقتاۋى كەرەك. سونداي-اق تەك ماسكامەن عانا جەنە شاعىن كٶلەمدە تۋىستاردىڭ ٷيٸنە بارۋعا رۇقسات ەتٸلەدٸ. ٷلكەن وتباسىلىق جيىندارعا بۇرىنعىسىنشا تىيىم سالىنعان.
كونتە سونىمەن قاتار 4 مامىردان باستاپ سپورتشىلاردىڭ دا جەكەلەگەن سپورت تٷرلەرٸ بويىنشا جاتتىعۋعا كٸرٸسە بەرۋگە بولاتىنىن ايتتى. دەگەنمەن كوماندالىق سپورت تٷرلەرٸنٸڭ جاتتىعۋلارىنا 18 مامىرعا دەيٸن تىيىم سالىنادى. دٷكەندەر مۋزەيلەرمەن جەنە كٸتاپحانالارمەن بٸرگە جۇمىسىن 18 مامىردان باستايدى.
ايتا كەتەيٸك, بۇعان دەيٸن تەك ازىق-تٷلٸك پەن ٶزگە دە بٸرٸنشٸ كەزەكتە قاجەتتٸ تاۋارلاردى ساۋدالايتىن دٷكەندەر عانا جۇمىس ٸستەپ كەلدٸ. بارلار, مەيرامحانالار, شاشتاراز بەن سۇلۋلىق سالوندارى ٶز قىزمەتٸن 1 ماۋسىمنان باستاي الادى.
قوعامدىق تاماقتانۋ ورىندارى 4 مامىردان باستاپ, ٶنٸمدەرٸن جەتكٸزٸپ بەرە الادى. پرەمەر كونتە مەكتەپتەردٸڭ بيىلعى وقۋ جىلىنىڭ سوڭىنا دەيٸن جابىق بولاتىنىن ايتتى.
يتالييادا قازٸر جەرلەۋ رەسٸمٸن جاساۋعا رۇقسات ەتٸلدٸ. ايتا كەتەتٸن مەسەلە, ٷكٸمەت شٸركەۋ مەسساسىن ۇيىمداستىرۋدى دۇرىس ەمەس دەپ تاپتى. ٶز كەزەگٸندە بۇل جاعداي يتالييا ەپيسكوپ كونفەرەنتسيياسىنىڭ دٸني ۇستانىم بويىنشا ادام قۇقىعىنىڭ بۇزىلعانى جٶنٸنە شاعىم تٷسٸرۋٸنە نەگٸز بولدى. كونتە سونىمەن قاتار ەلەۋمەتتٸك قاشىقتىقتى ۇستانۋ شاراسىنىڭ ەلٸ بٸرنەشە اي بويىنا جالعاساتىنىن ەسكەرتتٸ.
ەسكە سالا كەتسەك, يتالييادا كوروناۆيرۋستان قايتىس بولعاندار سانى ەۋروپاداعى ەڭ جوعارى كٶرسەتكٸش بولىپ وتىر. سوڭعى مەلٸمەتتەر بويىنشا, بۇل ەلدە 26,6 مىڭ ادام كٶز جۇمىپ, 197,6 مىڭ ادام اۋىرعان. سوعان قاراماستان ينفەكتسييانىڭ تارالۋ قارقىنى تٶمەندەپ كەلەدٸ. سونىمەن قاتار كٷن سايىن قايتىس بولىپ جاتقاندار سانى دا ازايعان.
