رەسپۋبليكالىق ارنايى مونيتورينگ توبىنىڭ مٷشەسٸ, «QLT» جشس ديرەكتورى دەۋرەن سەلٸپوۆ ساتىپ الۋلار سالاسىنداعى جەمقورلىق تەۋەكەلدەرگە قاتىستى پٸكٸر بٸلدٸردٸ, دەپ حابارلايدى قازاقپارات.
«ساتىپ الۋ پروتسەسٸن ەلەكتروندى فورماتقا اۋىستىرۋ قازاقستاندا بارىنشا جاقسى جاسالعان دەپ ايتۋعا بولادى. اقپاراتتىق تەحنولوگييالار تۇرعىسىنان الىپ قاراعاندا بۇل – ەلەكتروندى فورمات ەرٸ سارالاۋ مٷمكٸندٸگٸ بار. زاڭناما تۇرعىسىندا بۇل – مٷلدەم باسقا دٷنيە. مەسەلەن, بٸر دەرەكٶز ورىن الۋ مٷمكٸن جەمقورلىق تەۋەكەلدەرٸن تىيۋعا مٷمكٸندٸك بەرەدٸ. ال ٸت تۇرعىسىندا بارلىعى تراسپارەنتتٸ بولۋى تيٸس. ياعني, ادامدار ساتىپ الۋ سالاسىندا نە بولىپ جاتقانىن, قانداي مەملەكەتتٸك ورگان كٸمنەن ساتىپ الىپ جاتقانىن كٶرٸپ وتىرۋى تيٸس», - دەدٸ ول سىبايلاس جەمقورلىققا قارسى قىزمەت الاڭىندا ٶتكەن ونلاين بريفينگٸدە.
ونىڭ اتاپ ٶتۋٸنشە, جاڭا تەحنولوگييالاردىڭ كٶمەگٸمەن بەلگٸلٸ بٸر جەتكٸزۋشٸ مەن ورگاننىڭ اراسىنداعى ٶزارا بايلانىستى انىقتاپ الۋعا بولادى. ايتالىق, بٸر ورگاننىڭ باسشىسى جۇمىس ورنىن اۋىستىرعان كەزدە جەتكٸزۋشٸنٸڭ دە ٸلەسٸپ بٸرگە باراتىندىعىن انىقتاۋ قيىن ەمەس. ال مۇنداي جۇمىستى جولعا قويۋ ٷشٸن مەملەكەتتٸك ورگانداردىڭ جٷيەلەرٸندە ٶزارا ىقپالداستىق بولۋى تيٸس.
«جٷيەلەردٸڭ ٶزارا ىقپالداسۋىنىڭ بولماۋى ٷلكەن پروبلەماعا اينالعان. قازٸرگٸ ۋاقىتتا بۇل باعىتتا جۇمىس جٷرگٸزٸلٸپ جاتىر. مەملەكەتتٸك مەلٸمەتتەر قورىمەن مەلٸمەتتەر الماسۋ ٷشٸن قوسىلۋعا مٷمكٸندٸك بەرەتٸن سمارت جٷيە بار. جەكە جٷيەلەر مەملەكەتتٸك بازادان اقپارات الۋ ٷشٸن بٸرٸگۋدٸ ٶتٸنە الادى», - دەدٸ د.سەلٸپوۆ
