Respýblikalyq arnaiy monitoring tobynyń múshesi, «QLT» JShS direktory Dáýren Sálipov satyp alýlar salasyndaǵy jemqorlyq táýekelderge qatysty pikir bildirdi, dep habarlaidy QazAqparat.
«Satyp alý protsesin elektrondy formatqa aýystyrý Qazaqstanda barynsha jaqsy jasalǵan dep aitýǵa bolady. Aqparattyq tehnologiialar turǵysynan alyp qaraǵanda bul – elektrondy format ári saralaý múmkindigi bar. Zańnama turǵysynda bul – múldem basqa dúnie. Máselen, bir derekóz oryn alý múmkin jemqorlyq táýekelderin tyiýǵa múmkindik beredi. Al IT turǵysynda barlyǵy trasparentti bolýy tiis. Iaǵni, adamdar satyp alý salasynda ne bolyp jatqanyn, qandai memlekettik organ kimnen satyp alyp jatqanyn kórip otyrýy tiis», - dedi ol Sybailas jemqorlyqqa qarsy qyzmet alańynda ótken onlain brifingide.
Onyń atap ótýinshe, jańa tehnologiialardyń kómegimen belgili bir jetkizýshi men organnyń arasyndaǵy ózara bailanysty anyqtap alýǵa bolady. Aitalyq, bir organnyń basshysy jumys ornyn aýystyrǵan kezde jetkizýshiniń de ilesip birge baratyndyǵyn anyqtaý qiyn emes. Al mundai jumysty jolǵa qoiý úshin memlekettik organdardyń júielerinde ózara yqpaldastyq bolýy tiis.
«Júielerdiń ózara yqpaldasýynyń bolmaýy úlken problemaǵa ainalǵan. Qazirgi ýaqytta bul baǵytta jumys júrgizilip jatyr. Memlekettik málimetter qorymen málimetter almasý úshin qosylýǵa múmkindik beretin smart júie bar. Jeke júieler memlekettik bazadan aqparat alý úshin birigýdi ótine alady», - dedi D.Sálipov
