پورتۋگالييادا جاۋىن-شاشىن جاۋماعاندىقتان, سوڭعى 20 جىلدا بولماعان قۇرعاقشىلىق تٸركەلدٸ. ەل بيلٸگٸ وسىعان بايلانىستى جەدەل شارالار قابىلداپ جاتىر, دەپ حابارلايدى قازاقپارات euronews اگەنتتٸگٸنە سٸلتەمە جاساپ.
ەل ورتالىعىنداعى سۋ قويمالارى قۇرعاپ جاتىر, فەرمەرلەر مەن جەرگٸلٸكتٸ حالىق الاڭداۋلى. زەزەرە ٶزەنٸنٸڭ جاعالاۋى تارتىلىپ قالدى. ەلدەگٸ ەلەكتر ەنەرگيياسىنىڭ 30%-ى سۋ ەلەكتر ستانتسيياسىندا ٶندٸرٸلەدٸ, قازٸرگٸ كەزدە بەس ستانتسيياداعى ٶندٸرٸس توقتاپ تۇر.
بۇدان بۇرىن اتالعان اۋدان 2017 جىلى بولعان ورمان ٶرتٸنٸڭ زاردابىن شەككەن.
سونىمەن قاتار قۇرعاقشىلىقتان كٶرشٸلەس يسپانييا دا زارداپ شەگۋدە. قاڭتار ايىندا بۇل ەلدە جاۋىن-شاشىن نورماسىنىڭ تٶرتتەن بٸرٸ عانا جاۋدى. كەيبٸر اۋدانداردا اۋىل شارۋاشىلىعىنىڭ قاجەتتٸلٸگٸنە ارنالعان رەزەرۆۋارلاردا سۋ تاپشىلىعى بايقالادى, ولار 45%-عا عانا تولعان. گاليسييا پروۆينتسيياسىندا سۋ قويماسىنىڭ استىندا ٶتكەن عاسىردا سۋعا باتقان اۋىل كٶرٸنە باستادى.
عالىمداردىڭ ايتۋىنشا, بۇل قۇرعاقشىلىق – كليماتتىڭ ٶزگەرۋٸ سالدارىنىڭ بٸرٸ.
مەتەورولوگتار جاقىن كٷندەرٸ جاعداي جاقسارمايتىنىن ەسكەرتتٸ. پورتۋگالييا مەن يسپانييا ٷكٸمەتتەرٸ داعدارىسپەن كٷرەسۋ ٷشٸن كٷش بٸرٸكتٸرۋگە ۇيعاردى.
