يسلاندييادا ناۋرىز ايىنىڭ سوڭىندا ويانعان فاگرادالسفيادل جانارتاۋى تۇرعان جەردٸڭ يەسٸ جەر تەلٸمٸن ۆۋلكانىمەن قوسا ساتۋعا شىعاردى, دەپ حابارلايدى Bloomberg.
جەر تەلٸمٸ قۇقىعىنىڭ بٸر بٶلٸگٸ تيەسٸلٸ اننا تورديس گۋدمۋندسدوتتيردٸڭ ايتۋىنشا, ەكٸ ادام جانارتاۋدى ساتىپ الۋعا نيەت بٸلدٸرگەن.
ماماندار ۆۋلكان كٶپ جىلدار بەلسەندٸ كٷيٸندە قالۋى مٷمكٸن دەپ بولجاپ وتىر. جانارتاۋ اتقىلاي باستاعالى بەرٸ جەر يەلەرٸ جاڭا تۋريستٸك ورىنعا ادامداردىڭ ەركٸن جەتۋٸن قامتاماسىز ەتۋ ٷشٸن جەرگٸلٸكتٸ بيلٸكپەن بٸرگە جۇمىس ٸستەگەن.
يسلاندييادا كٶزگە كٶرٸنەرلٸك كٶرٸكتٸ جەر بولسا سوندا كٸرٸپ-شىققانداردان مەنشٸك يەسٸنە اقى الۋعا زاڭ رۇقسات بەرەدٸ. الايدا ەلدٸڭ ٷكٸمەت باسشىسى كاترين ياكوبسدوتتير جانارتاۋ تۇرعان جەردٸ مەملەكەت ساتىپ المايتىنىن, ونى مەنشٸككە العىسى كەلەتٸندەر بولسا وسى ورىنعا تۋريست كەلۋٸنە شەكتەۋ بولمايتىنىن مەلٸمدەگەن.
