سيرييا مەن يراكتاعى «يسلام مەملەكەتٸ» لاڭكەستٸك ۇيىمىنىڭ سودىرلارى قاتىگەزدٸكپەن جازالاۋدىڭ جاڭا تٷرٸن ويلاپ تاپتى. بۇل ەدٸستٸ ولار ۇيىم ساپىنان قاشىپ كەتپەك بولعاندارعا قولدانادى. بۇل تۋرالى بٷگٸن The Daily Express باسىلىمى حابارلادى.
ۇيىمعا مٷشەلٸكتەن باس تارتقانداردىڭ قولدارىن بايلاپ, بٸرنەشەۋٸن بٸر كٶلٸكتٸڭ ٸشٸنە قامايدى. ەسٸك-تەرەزەسٸن بەكٸتٸپ, كٶلٸكتٸڭ قوزعالتقىشىنان شىعاتىن ۋلى تٷتٸندٸ سىرتقا ەمەس, سالونعا جٸبەرەدٸ. سالدارىنان, ٸشتەگٸ ادامدار قارا تٷتٸنگە تۇنشىعىپ, دەمٸگٸپ ٶلەدٸ.
باسىلىمنىڭ حابارلاۋىنشا, «يسلام مەملەكەتٸ» باسشىلارىنىڭ سوڭعى ۋاقىتتا ويلاپ تاپقان جازالاۋ ەدٸستەرٸ تىم قاتىگەزدەنٸپ كەتكەن. مەسەلەن, بيىل مامىر ايىندا ٶز جۇمىسىن تيٸستٸ دەڭگەيدە اتقارا الماعان كومانديرلەردٸ ولار تٸرٸدەي يتكە تالاتىپتى.
سونداي-اق, مامىر ايىنىڭ باسىندا سودىرلار 25 ادامدى ازوت قىشقىلى تولا ٷلكەن ىدىسقا سالىپ ٶلتٸرگەن. ال, وسىدان بٸر اپتا بۇرىن «يسلام مەملەكەتٸن» تاستاپ كەتپەك بولعان 35 ادامنىڭ تٸرٸدەي كٶمٸلگەنٸ بەلگٸلٸ بولدى.
ايتا كەتەيٸك, «يسلام مەملەكەتٸ» لاڭكەستٸك ۇيىمىنا قازاقستاندا تىيىم سالىنعان.
