Siriia men Iraktaǵy «Islam memleketi» lańkestik uiymynyń sodyrlary qatygezdikpen jazalaýdyń jańa túrin oilap tapty. Bul ádisti olar uiym sapynan qashyp ketpek bolǵandarǵa qoldanady. Bul týraly búgin The Daily Express basylymy habarlady.
Uiymǵa múshelikten bas tartqandardyń qoldaryn bailap, birnesheýin bir kóliktiń ishine qamaidy. Esik-terezesin bekitip, kóliktiń qozǵaltqyshynan shyǵatyn ýly tútindi syrtqa emes, salonǵa jiberedi. Saldarynan, ishtegi adamdar qara tútinge tunshyǵyp, demigip óledi.
Basylymnyń habarlaýynsha, «Islam memleketi» basshylarynyń sońǵy ýaqytta oilap tapqan jazalaý ádisteri tym qatygezdenip ketken. Máselen, biyl mamyr aiynda óz jumysyn tiisti deńgeide atqara almaǵan komandirlerdi olar tiridei itke talatypty.
Sondai-aq, mamyr aiynyń basynda sodyrlar 25 adamdy azot qyshqyly tola úlken ydysqa salyp óltirgen. Al, osydan bir apta buryn «Islam memleketin» tastap ketpek bolǵan 35 adamnyń tiridei kómilgeni belgili boldy.
Aita keteiik, «Islam memleketi» lańkestik uiymyna Qazaqstanda tyiym salynǵan.
