"قازاقستان سۋ شارۋاشىلىعىنىڭ" بۇرىنعى ديرەكتورى, ٶزٸن-ٶزٸ اتىپ ٶلتٸرگەن ٶمٸربەك جامپوزوۆتىڭ ۇلىنا پروكۋرورعا شابۋىل جاساعانى تۋرالى ايىپ تاعىلعان جوق, دەپ حابارلايدى قازاقستان ٸٸم مەملەكەتتٸك تٸل جەنە اقپارات دەپارتامەنتٸنٸڭ ديرەكتورى الماس سەدۋباەۆ.
بۇدان بۇرىن حابارلانعانداي, 32 جاستاعى اسىلجان جامپوزوۆقا قاتىستى پروكۋرورعا قارسى كٷش قولدانعانى ٷشٸن قر قك 380-بابى 1-بٶلٸگٸ بويىنشا قىلمىستىق ٸس قوزعالعان بولاتىن.
اسىلجان بۇل جايىندا ەلەۋمەتتٸك جەلٸدەن وقىپ بٸلٸپتٸ. ونىڭ ايتۋىنشا, ەكەسٸنٸڭ مەيٸتٸنە جاقىنداعىسى كەلگەندە, قۇقىق قورعاۋشىلار قولىن قايىرىپ ۇستاپ, جٸبەرمەي قويعان. سونىمەن بٸرگە, جامپوزوۆتىڭ ۇلى بەزبٸرەۋلەردٸڭ قوقان-لوققى جاساپ جٷرگەنٸن دە ايتقان بولاتىن.
ٸٸم ٶكٸلٸ ٶز مەلٸمدەمەسٸندە مارقۇمنىڭ ۇلىنا قىسىم كٶرسەتٸلٸپ جاتقانىن جوققا شىعاردى.
"قازٸرگٸ ۋاقىتتا باق-دا بيىل 20 شٸلدەدە كٶپشٸلٸككە بەلگٸلٸ جاعدايدا كٶز جۇمعان جامپوزوۆ ٶمٸربەك اسىقبەكۇلىنىڭ بالاسى — جامپوزوۆ اسىلجانعا قۇقىق قورعاۋ ورگانى تاراپىنان قىسىم كٶرسەتٸلگەنٸ تۋرالى ايتىلىپ جٷر", — دەپ اتاپ ٶتتٸ ٸٸم ٶكٸلٸ.
ونىڭ سٶزٸنە سٷيەنسەك, جامپوزوۆ اسىلجان 2017 جىلى 20 شٸلدەدە وقيعا ورنىن قاراۋ بارىسىندا تسەلينوگراد اۋدانى پروكۋرورىنىڭ ٸشٸنەن اياعىمەن بٸر تەپكەن. سول جەردە اۋدان پروكۋرورىن ٶلتٸرەمٸن دەپ تە سەس كٶرسەتٸپتٸ. جەدەل تەرگەۋ توبى مٷشەلەرٸ مەن باسقا دا رەسمي ٶكٸلدەر بۇل وقيعانىڭ كۋەسٸ بولعان, دەدٸ سەدۋباەۆ.
سەدۋباەۆتىڭ ايتۋىنشا, "جەرلەۋ رەسٸمٸنە بايلانىستى جامپوزوۆ اسىلجانعا قاتىستى سوتقا دەيٸنگٸ شارالار كەيٸنگە قالدىرىلعان".
"ٸس بويىنشا جامپوزوۆ اسىلجاننىڭ ستاتۋسى ەلٸ انىقتالعان جوق, ەشقانداي ايىپ تا تاعىلماعان", — دەيدٸ ٸٸم رەسمي ٶكٸلٸ.
قازٸرگٸ ۋاقىتتا سوتقا دەيٸنگٸ تەرگەۋ ەدٸل جٷرۋٸ ٷشٸن ٸس دەرەكتەرٸن قر ٸٸم ٶندٸرٸسٸنە جٸبەرۋ مەسەلەسٸ قارالۋدا.
