جاڭا وقۋ جىلى قارساڭىندا استانا ەكٸمٸ ەسەت يسەكەشەۆ قوعامدىق كٶلٸك مەسەلەلەرٸ تۋرالى جينالىس ٶتكٸزدٸ, دەپ حابارلايدى "ۇلت اقپارات" ەكٸمدٸكتٸڭ باسپاسٶز قىزمەتٸنە سٸلتەمە جاساپ.
جينالىستا قالا باسشىسى قالا ەكٸمٸ ورىنباسارىنىڭ, كٶلٸك جەنە جول-كٶلٸك ينفراقۇرىلىمىن دامىتۋ باسقارماسىنىڭ, «استانا LRT» جشس مەن استانالىق اۆتوبۋس پاركتەرٸنٸڭ جۇمىسىن قاتاڭ سىنعا الدى.
«بارلىق مەسەلەلەردٸ وقۋ جىلى باستالعانشا شەشۋ كەرەك. ۆاليداتورلاردىڭ جۇمىس ٸستەمەۋٸنەن ادامدار اۆتوبۋس كٷتٸپ تۇرماۋى كەرەك», - دەدٸ ەسەت يسەكەشەۆ.
ونىڭ ايتۋىنشا, مەملەكەت قوعامدىق كٶلٸكتٸڭ جۇمىسىن سۋبسيدييالاۋ ٷشٸن قاجەتتٸ قاراجات بٶلٸپ وتىر. جەلٸدە اۆتوبۋستاردى 90-95% قامتاماسىز ەتە المايتىن, ەلوردا جولاۋشىلارىنا ىڭعايلى جەنە قاۋٸپسٸز قىزمەت كٶرسەتە المايتىن اۆتوبۋس پاركتەرٸ كەلٸسٸمشارتتان ايىرىلىپ, ٶزگە اۆتوپاركتەرگە ورنىن بوساتۋى تيٸس.
ەكٸم بارلىق ۆاليداتورلاردىڭ جۇمىسىن رەتتەۋدٸ تاپسىردى, ال ولار ٸستەن شىققان جاعدايدا اۆتوبۋستى كٷتتٸرٸپ قويماي, بارلىق جولاۋشىلار تەگٸن جٷرۋٸ تيٸس.
«ۆاليداتورلار تۇراقتى جۇمىس ٸستەمەسە, جولاۋشىلاردى تەگٸن تاسىڭدار», - دەدٸ يسەكەشەۆ.
سونىمەن بٸرگە ەكٸم اۆتوبۋس قوزعالىسىن باقىلاۋعا ارنالعان GPS مونيتورينگٸنٸڭ جۇمىس ٸستەمەيتٸنٸن, مۇنىڭ جولاۋشىلارعا قولايسىزدىقتار تۋدىراتىنىن اتاپ ٶتتٸ. ەلەكتروندىق تابلودان ايىرماشىلىق 3-5 مينۋتتان اسپاۋى كەرەك.
سونداي-اق, ەكٸم «استانا LRT» جشس-گە تامىز ايىنىڭ سوڭىنا دەيٸن جولاقىنى QR كود, سمارتفون جەنە ينتەرنەت-بانكينگ ارقىلى تٶلەۋگە مٷمكٸندٸك بەرەتٸن قوسىمشا مٷمكٸندٸكتەر ەزٸرلەۋدٸ تاپسىردى.
ٶز كەزەگٸندە اۆتوپارك ٶكٸلدەرٸ ەلەكتروندى تٶلەمدٸ ەنگٸزۋ ارقىلى قارجى اينالىمىنىڭ 30% ارتقانىن, بۇل قاراجاتقا قىزمەت كٶرسەتۋ ساپاسىن جاقسارتىپ, بٸلٸكتٸلٸگٸ جوعارى جٷرگٸزۋشٸلەردٸ كٶبەيتەتٸنٸن اتاپ ٶتتٸ. ەلەكتروندى تٶلەمنٸڭ ارقاسىندا جٷرگٸزۋشٸلەردٸڭ ەڭبەكاقىسى 300-400 مىڭ تەڭگەگە دەيٸن ارتقان.
سونداي-اق, اۆتوپارك باسشىلارى قوعامدىق كٶلٸكتە بيلەتسٸز جولاۋشىلاردىڭ سانى ارتقانىن, مەسەلەنٸ شەشۋ ٷشٸن كٶلٸكتٸك ينسپەكتسييا مەن جەرگٸلٸكتٸ پوليتسييا قىزمەتٸنٸڭ كٶمەككە كەلۋٸن سۇرادى.
