پرەزيدەنتتٸڭ كٶمەكشٸسٸ – قاۋٸپسٸزدٸك كەڭەسٸنٸڭ حاتشىسى ەسەت يسەكەشەۆ شىۇ-عا مٷشە مەملەكەتتەردٸڭ قاۋٸپسٸزدٸك كەڭەسٸ حاتشىلارىنىڭ ون التىنشى كەزدەسۋٸنە قاتىستى, دەپ حابارولايدى اقوردا.
پرەزيدەنتتٸڭ كٶمەكشٸسٸ – قاۋٸپسٸزدٸك كەڭەسٸنٸڭ حاتشىسى ەسەت يسەكەشەۆ 2021 جىلعى 23 ماۋسىمدا دۋشانبەدە ٶتكەن شانحاي ىنتىماقتاستىق ۇيىمىنا مٷشە مەملەكەتتەردٸڭ قاۋٸپسٸزدٸك كەڭەسٸ حاتشىلارىنىڭ ون التىنشى كەزدەسۋٸنە قاتىستى.
ٸس-شارا بارىسىندا شىۇ كەڭٸستٸگٸندە قاۋٸپسٸزدٸك پەن تۇراقتىلىقتى قامتاماسىز ەتۋ سالاسىنداعى احۋالعا بايلانىستى اۋقىمدى مەسەلە تالقىلاندى.
تاراپتار تەرروريزم, سەپاراتيزم مەن ەكسترەميزم, قارۋ-جاراق پەن ەسٸرتكٸنٸڭ زاڭسىز اينالىمىنا, ترانسۇلتتىق ۇيىمداسقان قىلمىسقا قارسى ٸس-قيمىل, حالىقارالىق اقپاراتتىق قاۋٸپسٸزدٸكتٸ قامتاماسىز ەتۋ سيياقتى سالالارداعى ىنتىماقتاستىقتى ودان ەرٸ دامىتۋدىڭ نەگٸزگٸ اسپەكتٸلەرٸ بويىنشا پٸكٸر الماستى.
كەزدەسۋ بارىسىندا اۋعانستانداعى احۋالدى تەزٸرەك رەتتەۋ – شىۇ ايماعىندا بەيبٸتشٸلٸك پەن قاۋٸپسٸزدٸكتٸ ساقتاۋدىڭ نەگٸزگٸ فاكتورلارىنىڭ بٸرٸ ەكەنٸ اتاپ ٶتٸلدٸ. وسىعان وراي تاراپتار وسى ەلدەگٸ ەلەۋمەتتٸك-ەكونوميكالىق احۋالدىڭ قالپىنا كەلۋٸنە سەپتٸگٸن تيگٸزەتٸن ناقتى شارالار جوسپارىن كەلٸسۋ جۇمىستارىن جالعاستىرۋعا ۋاعدالاستى.
ەسەت يسەكەشەۆ ەرٸپتەستەرٸنە شىۇ قىزمەتٸنٸڭ ماڭىزدى باعىتتارى بويىنشا قازاقستاننىڭ ۇستانىمدارىن جەتكٸزدٸ جەنە ەلٸمٸزدٸڭ مٷددەلەرٸن ەسكەرە وتىرىپ, ۇيىمدى ودان ەرٸ ٷيلەسٸمدٸ دامىتۋ جٶنٸندە بٸرقاتار ۇسىنىستار ايتتى.
قازاقستان قاۋٸپسٸزدٸك كەڭەسٸنٸڭ حاتشىسى COVID-19 ٸندەتٸنٸڭ تەرٸس ەلەۋمەتتٸك-ەكونوميكالىق سالدارىن ەڭسەرۋ, ازىق-تٷلٸك قاۋٸپسٸزدٸگٸن قامتاماسىز ەتۋ, ماڭىزدى ەكولوگييالىق پروبلەمالاردى شەشۋ سيياقتى مەسەلەلەر بويىنشا بٸرلەسە اتقاراتىن شارالارعا نازار اۋداردى. سونداي-اق ەرٸپتەستەرٸن كيبەر قىلمىستارعا جەنە ەسٸرتكٸنٸڭ زاڭسىز اينالىمىنا قارسى ٸس-قيمىلداردى كٷشەيتۋگە, جالپى شىۇ كەڭٸستٸگٸندە تۇراقتىلىق پەن قاۋٸپسٸزدٸكتٸ قامتاماسىز ەتۋگە شاقىردى.
ەسەت يسەكەشەۆ اۋعانستانعا جان-جاقتى كٶمەك كٶرسەتۋ جٶنٸندەگٸ بٸرلەسكەن ٸس-قيمىلدار قاجەتتٸگٸن اتاپ ٶتٸپ, بەيبٸت ٶمٸرگە قول جەتكٸزۋ ٷشٸن بارلىق فورمات بويىنشا جٷرگٸزٸلەتٸن كەلٸسسٶزدەر پروتسەسٸن جانداندىرۋعا قازاقستاننىڭ دايىن ەكەنٸن ايتتى.
وتىرىس قورىتىندىسى بويىنشا ٸس-شاراعا قاتىسۋشىلار تيٸستٸ حاتتاماعا قول قويدى. شىۇ-عا مٷشە مەملەكەتتەردٸڭ قاۋٸپسٸزدٸك كەڭەسٸ حاتشىلارىنىڭ كەزەكتٸ كەزدەسۋٸن ٶزبەكستان رەسپۋبليكاسىندا ٶتكٸزۋ جٶنٸندە شەشٸم قابىلداندى.
سونىمەن قاتار كەزدەسۋ بارىسىندا ەسەت يسەكەشەۆ رەسەي فەدەراتسيياسى قاۋٸپسٸزدٸك كەڭەسٸنٸڭ حاتشىسى ن.پاترۋشەۆپەن, قىرعىز رەسپۋبليكاسى قاۋٸپسٸزدٸك كەڭەسٸنٸڭ حاتشىسى م.يمانقۇلوۆپەن, سونداي-اق, پەكiستان يسلام رەسپۋبليكاسى پرەمەر-مينيسترٸنٸڭ ۇلتتىق قاۋٸپسٸزدٸك جەنە ستراتەگييالىق جوسپارلاۋ مەسەلەلەرٸ جٶنٸندەگٸ كٶمەكشٸسٸ م.يۋسۋفپەن كەلٸسسٶزدەر جٷرگٸزدٸ. كەلٸسسٶزدە ٶڭٸرلٸك قاۋٸپسٸزدٸك سالاسىنداعى ٶزارا ٸس-قيمىل مەن ىنتىماقتاستىقتى كەڭەيتۋدٸڭ ٶزەكتٸ مەسەلەلەرٸ قاراستىرىلدى.
