استانا قالاسىنىڭ ەكٸمٸ ەسەت يسەكەشەۆ ەلوردانى 2 ميلليون تۇرعىنى بار قالا ەتۋگە دايىندىقتىڭ باستالعانىن, ياعني ارنايى باعدارلامانىڭ جٷزەگە اسىرىلىپ جاتقانىن ايتتى, دەپ حابارلايدى قازاقپارات تٸلشٸسٸ.
رەسمي ساناق بويىنشا استانادا بٷگٸندە 1 ملن 200 مىڭ ادام تۇرادى. جىل ساناپ قالا تۇرعىندارىنىڭ سانى ارتۋدا, وسى تۇرعىدا ەلباسى 2 ملن تۇرعىنى بار قالا بولۋعا دايىندالۋدى تاپسىرعان بولاتىن.
«بٸز قالانى دامىتۋدا 20 قادامنان تۇراتىن باعدارلاما جاساپ شىعاردىق. بٷگٸنگٸ كٷندە باستى ەكٸ باعىتپەن جۇمىستى باستادىق. بٸرٸنشٸ باعىت: قالا تۇرعىندارى ٷشٸن قاۋٸپسٸزدٸك پەن جايلىلىق, ەكٸنشٸسٸ جول جەنە كٶلٸك قاتىناسىن قامتيدى. نەگٸزٸ 20 قادام باعدارلاماسى بارلىق سالانى قامتيدى, سول سالالاردىڭ بٸرٸ كٶلٸكتٸك موبيلدٸلٸك. بۇل دەگەنٸمٸز قوعامدىق كٶلٸكتەردٸڭ قاۋٸپسٸزدٸگٸ مەن جايلىلىعى, جاياۋ جەنە ۆەلوجٷرگٸنشٸلەرگە ارنالعان جولداردىڭ قاۋٸپسٸزدٸگٸ, باعدارشامدار جٷيەسٸ جەنە بارلىق قالالاردىڭ پروبلەماسى بولىپ تابىلاتىن كەپتەلٸستٸ ازايتۋ. جول ترانسپورتى مەسەلەلەرٸن شەشۋدە بٸز ەلەمنٸڭ ٸرٸ مەگاپوليستەرٸ مەسكەۋ, دۋباي, سينگاپۋر قالالارىنىڭ ٷزدٸك تەجٸريبەلەرٸنە سٷيەندٸك. دەگەنمەن حالىق سانىمەن قاتار كٶلٸكتەر دە كەبەيۋدە. ايتار بولساق بٷگٸندە قالا ٸشٸ مەن ماڭايىن قوسا ەسەپتەگەندە بٸر كٷندە 400 مىڭنان اسا, ال مەرەكە كٷندەرٸ 500 مىڭنان اسا كٶلٸك جٷرەدٸ, - دەدٸ ەسەت يسەكەشەۆ.
ونىڭ سٶزٸنشە, استانا حالقىن 2 ملن-عا جەتكٸزۋ ماقساتى رەسمي باعامداۋ بويىنشا 2030 جىلعا بەلگٸلەنگەن. الايدا قالا تۇرعىندارىن تٸركەۋدەگٸ جەدەل باعامداۋ بويىنشا بۇل ماقساتقا 2030 جىلعا دەيٸن جەتۋٸمٸز مٷمكٸن.
سونىمەن قاتار قالا ەكٸمٸ تەۋەلسٸزدٸك سارايىنان جاڭا «نۇرلى جول» ۆوكزالىنا دەيٸن جاڭا «مىڭ جىلدىق» اللەياسى قۇرىلىسىنىڭ باستالعانىن اتاپ ٶتٸپ, وندا الداعى 5 جىل كٶلەمٸندە بٷتٸن بٸر قالاشىق تۇرزىلاتىنىن ايتتى. ودان بٶلەك قالانىڭ باستى كٶلٸك اعىنى ٶتەتٸن مەڭگٸلٸك ەل, تۇران, قابانباي باتىر داڭعىلدارىنان ٷلكەن جەنە كٸشٸ اينالما جولدار سالۋ قۇرىلىسى قولعا الىندى.
ايتا كەتەيٸك, اتالعان جوبالاردى اياقتاۋ 2020 جىلعا جوسپارلانعان.
