يراننىڭ رۋحاني كٶسەمٸ اياتوللا حامەنەي 500-دەن استام كانديداتتى پرەزيدەنت سايلاۋىنا جٸبەرمەۋدٸ ماقۇلدادى. بۇل تۋرالى ول 27 مامىردا پارلامەنت مٷشەلەرٸمەن كەزدەسۋ كەزٸندە حابارلادى. سايلاۋعا جٸبەرٸلمەگەن 585 كانديداتتىڭ اراسىندا وپپوزيتسييا ٶكٸلدەرٸ دە بار. حامەنەي كونستيتۋتسييا ساقشىلارى كەڭەسٸ "تيٸستٸ شارۋانى اتقاردى" دەپ مەلٸمدەدٸ.
يراندا پرەزيدەنت سايلاۋى 18 ماۋسىمدا ٶتەدٸ. وعان 592 ادام كانديداتۋراسىن ۇسىنعان. تٸركەۋ پروتسەسٸ تاقالعان كەزدە كونستيتۋتسييا ساقشىلارى كەڭەسٸ ٸرٸكتەۋ شارتىن ٶزگەرتٸپ, كەيبٸر ساياسي كٷشتەر كانديداتتارىن ۇسىنا الماي قالدى.
سايلاۋعا جٸبەرٸلمەگەندەر اراسىندا بۇرىنعى پرەزيدەنت ماحمۋد احمادينەجاد, قازٸرگٸ ۆيتسە-پرەزيدەنت ەسحاك دجاحانگيري, پارلامەنتتٸڭ بۇرىنعى تٶراعاسى ەلي لاريدجاني, بۇرىن ٸشكٸ ٸستەر مينيسترٸ مٸندەتٸن اتقارعان وپپوزيتسيونەر موستافا تادجزادە دە بار.
ساراپشىلار سايلاۋدا جوعارعى سوتتىڭ تٶراعاسى ەبراحيم رايسيدٸڭ جەڭۋ مٷمكٸندٸگٸ كٶپ دەپ سانايدى. ول ەلدەگٸ ەڭ كونسەرۆاتيۆتٸ ساياساتكەرلەردٸڭ بٸرٸ. ونىڭ 1988 جىلى بٸرنەشە مىڭ وپپوزيتسيونەردٸ دارعا اسۋ ٸسٸنە قاتىسى بار ەكەنٸ ايتىلادى.
وپپوزيتسييا سايلاۋعا بويكوت جارييالاۋعا شاقىرىپ جاتىر. احمادينەجاد سايلاۋعا بارمايتىنىن ايتىپ, كانديداتتار اراسىندا قولداۋعا لايىق ساياساتكەر جوعىن ايتتى. ازاتتىقتىڭ يران قىزمەتٸنٸڭ جازۋىنشا, ەلدە العاش رەت بۇرىنعى جەنە قازٸرگٸ شەنەۋنٸكتەر سايلاۋعا بارماۋعا ٷندەپ وتىر. حامەنەي سايلاۋدى پايداسىز دەپ اتاعان ساياساتكەرلەردٸ تىڭداماۋعا شاقىردى.
