فوتو: irna.ir
يران ٷكٸمەتٸ دٷيسەنبٸ كٷنٸ ەلدەگٸ 14-شٸ پرەزيدەنتتٸك سايلاۋدى 28 ماۋسىمدا ٶتكٸزۋ تۋرالى شەشٸم قابىلدادى. بۇل تۋرالى يراننىڭ يرنا اگەنتتٸگٸنە سٸلتەمە جاساپ سينحۋا حابارلادى.
سايلاۋ كٷنٸ بٷگٸندە پرەزيدەنت قىزمەتٸن اتقارىپ جاتقان يراننىڭ بٸرٸنشٸ ۆيتسە-پرەزيدەنتٸ مۇحامماد موحبەر, سوت جٷيەسٸنٸڭ باسشىسى گولام حوسەين موحسەني-ەدجەي, پارلامەنت سپيكەرٸ موحامماد باگەر گاليباف, سونداي-اق پرەزيدەنتتٸڭ قۇقىقتىق مەسەلەلەر جٶنٸندەگٸ ۆيتسە-پرەزيدەنتٸ موحامماد دەحگان مەن يراننىڭ كونستيتۋتسييالىق كەڭەسٸ مەن ٸشكٸ ٸستەر مينيسترلٸگٸ ٶكٸلدەرٸ قاتىسقان وتىرىستا بەلگٸلٸ بولدى, دەلٸنگەن حابارلامادا.
يران پرەزيدەنتٸ يبراحيم رايسي مەن ونىمەن جانىندا بولعان كوماندانىڭ كەيبٸر مٷشەلەرٸ, سونىڭ ٸشٸندە سىرتقى ٸستەر مينيسترٸ حوسەين امير ابدوللاحييان دٷيسەنبٸ كٷنٸ تاڭەرتەڭ تەگەراننان شامامەن 670 شاقىرىم جەردەگٸ ۆارزاكان اۋدانى ماڭىندا قۇلاعان تٸكۇشاقتىڭ سىنىقتارى تابىلعاننان كەيٸن قايتىس بولدى, دەپ جارييالاندى.
يران كونستيتۋتسيياسىنىڭ 131-بابىنا سەيكەس, ەگەر پرەزيدەنت ٶز مٸندەتٸن اتقارا الماسا, اتقارۋشى بيلٸك ۋاقىتشا بٸرٸنشٸ ۆيتسە-پرەزيدەنتتٸڭ قولىنا ٶتەدٸ, ول 50 كٷن ٸشٸندە جاڭا پرەزيدەنتتٸ سايلاۋدى ۇيىمداستىرۋعا مٸندەتتٸ.
كەزدەسۋ بارىسىندا قاتىسۋشىلار سونىمەن قاتار اتقارۋشى دەلەگاتسييالاردى جاساقتاۋ, كانديداتتاردى تٸركەۋ جەنە سايلاۋ ناۋقاندارىن باستاۋدى قامتيتىن سايلاۋ پروتسەسٸنٸڭ كەستەسٸن جاسادى, دەپ حابارلايدى يرنا.
«كەستەگە سەيكەس, تٸركەۋ 30 مامىردان 3 ماۋسىمعا دەيٸن جٷرگٸزٸلەدٸ, سودان كەيٸن كانديداتتار 12-27 ماۋسىم ارالىعىندا سايلاۋالدى ٷگٸت-ناسيحات جۇمىستارىن جٷرگٸزۋٸ تيٸس», - دەلٸنگەن حابارلامادا.
يرنا مەلٸمەتتەرٸنشە, كونستيتۋتسييالىق كەڭەس كەستەنٸ بەكٸتتٸ.
