يراننىڭ ماسەندەران پروۆينتسيياسىندا اۆتوبۋس اپاتقا ۇشىراپ, 20 ادام قازا تاۋىپ, 24 ادام زارداپ شەكتٸ, – دەپ حابارلايدى ريا نوۆوستي.
قايعىلى وقيعا بەيسەنبٸدە تاڭعى ۋاقىتتا بولعان. بۇل تۋرالى Mehr اگەنتتٸگٸ پروۆينتسيياداعى جەدەل جەردەم باسپاسٶز قىزمەتٸنە سٸلتەمە جاساي وتىرىپ حابارلادى.
اۆتوبۋس اۋدارىلىپ, سايعا تٷسٸپ كەتكەن. زارداپ شەككەندەر اۋرۋحاناعا جەتكٸزٸلدٸ, - دەلٸنگەن حابارلامادا.
ايتا كەتەيٸك, 8 قاڭتاردا تەگەراننان كيەۆكە بەت العان ۋكراينا حالىقارالىق اۆياتسيياسىنا تيەسٸلٸ PS752 رەيسٸ كٶككە كٶتەرٸلٸسٸمەن ەكٸ مينۋت ٶتكەندە اپاتقا ۇشىراعان بولاتىن. اپات سالدارىنان بورتتا بولعان 176 ادامنىڭ ەشقايسىسى تٸرٸ قالمادى.
