ساريدەگٸ كاسپيي تەڭٸزٸن زەرتتەۋ ۇلتتىق ورتالىعىنىڭ باسشىسى باني حاشەمي كاسپيي تەڭٸزٸندە سۋ دەڭگەيٸ ٶتكەن جىلى 2018 جىلمەن سالىستىرعاندا شامامەن 13 سم-گە تٶمەندەگەنٸن ايتتى, دەپ حابارلايدى "ۇلت اقپارات" يرنا اگەنتتٸگٸنە سٸلتەمە جاساپ.
«2019 جىلعى قىستىڭ سوڭىندا كاسپيي تەڭٸزٸندەگٸ سۋ دەڭگەيٸن باعالاۋ 1995 جىلدان باستاپ تٶمەندەۋ ٷردٸستەرٸن باسشىلىققا الا وتىرىپ, كاسپيي تەڭٸزٸندەگٸ سۋ دەڭگەيٸ 2019 جىلى سوڭعى 30 جىل ٸشٸندەگٸ ەڭ تٶمەنگٸ دەڭگەيگە تٷسكەنٸن كٶرسەتٸپ بەردٸ», - دەپ اتاپ ٶتتٸ ورتالىق باسشىسى.
«وسى باعالاۋ بويىنشا بيىل سۋدىڭ ورتاشا دەڭگەيٸ 2018 جىلمەن سالىستىرعاندا 13 سم-گە تٶمەندەپ, 27,18 مەتردٸ قۇرادى», - دەيدٸ ول.
كاسپيي تەڭٸزٸن زەرتتەۋ ۇلتتىق ورتالىعىنىڭ باسشىسى «سۋ دەڭگەيٸ تٶمەندەۋٸنٸڭ باستى سەبەبٸ - كاسپيي تەڭٸزٸنە ەنەتٸن سۋدىڭ شامامەن 80 پايىزىن قامتاماسىز ەتەتٸن ەدٸل ٶزەنٸنەن سۋ اعىنىنىڭ ازايۋى» دەپ مەلٸمدەدٸ.
باني حاشەميدٸڭ ايتۋىنشا, كاسپيي تەڭٸزٸندەگٸ ورتاشا تەمپەراتۋرانىڭ جوعارىلاۋى - تەڭٸزدەگٸ سۋ دەڭگەيٸنٸڭ تٶمەندەۋٸنە تاعى بٸر سەبەپ بولىپ وتىر.
ونىڭ ايتۋىنشا, ساراپتامالىق زەرتتەۋ ۇزاقمەرزٸمدٸ پەرسپەكتيۆادا جىل سايىنعى قۇبىلىستارعا قاراماستان, كليماتتىڭ ٶزگەرۋٸ مەن سۋدىڭ بۋلانۋىنا بايلانىستى كاسپيي تەڭٸزٸندەگٸ سۋ دەڭگەيٸنٸڭ تٶمەندەۋٸ جالعاساتىنىن كٶرسەتەدٸ.
