Saridegi Kaspii teńizin zertteý ulttyq ortalyǵynyń basshysy Bani Hashemi Kaspii teńizinde sý deńgeii ótken jyly 2018 jylmen salystyrǵanda shamamen 13 sm-ge tómendegenin aitty, dep habarlaidy "Ult aqparat" IRNA agenttigine silteme jasap.
«2019 jylǵy qystyń sońynda Kaspii teńizindegi sý deńgeiin baǵalaý 1995 jyldan bastap tómendeý úrdisterin basshylyqqa ala otyryp, Kaspii teńizindegi sý deńgeii 2019 jyly sońǵy 30 jyl ishindegi eń tómengi deńgeige túskenin kórsetip berdi», - dep atap ótti ortalyq basshysy.
«Osy baǵalaý boiynsha biyl sýdyń ortasha deńgeii 2018 jylmen salystyrǵanda 13 sm-ge tómendep, 27,18 metrdi qurady», - deidi ol.
Kaspii teńizin zertteý ulttyq ortalyǵynyń basshysy «sý deńgeii tómendeýiniń basty sebebi - Kaspii teńizine enetin sýdyń shamamen 80 paiyzyn qamtamasyz etetin Edil ózeninen sý aǵynynyń azaiýy» dep málimdedi.
Bani Hashemidiń aitýynsha, Kaspii teńizindegi ortasha temperatýranyń joǵarylaýy - teńizdegi sý deńgeiiniń tómendeýine taǵy bir sebep bolyp otyr.
Onyń aitýynsha, saraptamalyq zertteý uzaqmerzimdi perspektivada jyl saiynǵy qubylystarǵa qaramastan, klimattyń ózgerýi men sýdyń býlanýyna bailanysty Kaspii teńizindegi sý deńgeiiniń tómendeýi jalǵasatynyn kórsetedi.
