شىمكەنتتە شەتەلدٸك ينۆەستورلاردىڭ قاتىسۋىمەن جۇمىس ٸستەيتٸن “Sin Yuan Steel” زاۋىتىنىڭ اينالاسىنداعى داۋلى جاعدايعا بايلانىستى سوتقا دەيٸنگٸ تەرگەۋ باستالدى. بۇل تۋرالى باس پروكۋراتۋرا مەلٸمدەدٸ, دەپ حابارلايدى ult.kz.
بۇعان دەيٸن بۇقارالىق اقپارات قۇرالدارىندا زاۋىت اۋماعىندا جٷرگٸزٸلگەن رەيد كەزٸندە پوليتسييا كٶشٸ-قون زاڭناماسىن بۇزدى دەگەن كٷدٸكپەن شەتەل ازاماتتارىن جاپپاي ۇستاعانى تۋرالى اقپارات تاراعان ەدٸ. كەسٸپورىن باسشىلىعى بۇل ەرەكەتتەر ٶندٸرٸس جۇمىسىنا كەدەرگٸ كەلتٸرٸپ, ينۆەستيتسييالىق جوبالارعا قاۋٸپ تٶندٸرگەنٸن مەلٸمدەگەن.
پروكۋراتۋرانىڭ حابارلاۋىنشا, ينۆەستوردىڭ ارىز-شاعىمىن تەكسەرۋ ٷشٸن شىمكەنت قالاسىنىڭ ينۆەستيتسييالىق پروكۋرورلارى قىلمىستىق ٸس اياسىندا سوتقا دەيٸنگٸ تەرگەپ-تەكسەرۋدٸ تٸركەگەن. الايدا قىلمىستىق-پروتسەستٸك كودەكستٸڭ 201-بابىنا سەيكەس, تەرگەۋ بارىسىنداعى ٶزگە مەلٸمەتتەر ەزٸرگە جارييالانبايدى.
زاۋىت ٶكٸلدەرٸنٸڭ ايتۋىنشا, رەيد كەزٸندە ۇستالعانداردىڭ اراسىندا ٶندٸرٸستٸ كەڭەيتۋ مەسەلەسٸن تالقىلاۋعا كەلگەن شەتەلدٸك ينۆەستورلار دا بولعان. كومپانييا مۇنداي ەرەكەتتەر حالىقارالىق سەرٸكتەستەردٸڭ سەنٸمٸنە نۇقسان كەلتٸرۋٸ مٷمكٸن دەپ الاڭدايدى.
وقيعا قوعامدا قىزۋ تالقىلانىپ جاتىر. ساراپشىلار ينۆەستورلارمەن جۇمىس بارىسىندا قۇقىق قورعاۋ ورگاندارىنىڭ ەرەكەتٸ اشىق ەرٸ زاڭ اياسىندا بولۋى تيٸس ەكەنٸن ايتۋدا.
