فوتو: gov.kz
الماتىدا “جەڭٸل تابىس” ۋەدەسٸنە سەنگەن ونداعان ازامات ٸرٸ قارجىلىق شىعىنعا ۇشىرادى. قارجىلىق مونيتورينگ اگەنتتٸگٸنٸڭ قالالىق دەپارتامەنتٸ «Boxy Wealth» اتتى قارجى پيراميداسىن ۇيىمداستىرۋ ٸسٸ بويىنشا تەرگەۋدٸ اياقتادى, دەپ حابارلايدى Ult.kz.
تەرگەۋ دەرەكتەرٸنە سەيكەس, كٷدٸكتٸ بٸر جىل بويى الماتى اۋماعىندا جوبانىڭ قۇرىلىمدىق بٶلٸمشەسٸن باسقارعان. جٷيە ارنايى سايت پەن مەسسەندجەرلەر ارقىلى جۇمىس ٸستەگەن. الدىمەن «كٷندەلٸكتٸ تابىس» چاتىندا حالىق تۇتىناتىن تاۋارلار جايلى اقپارات تاراتىلىپ, كەيٸن پايدالانۋشىلار ينۆەستيتسييالىق پلاتفورماعا تارتىلعان.
جوباعا قاتىسۋ ٷشٸن ازاماتتارعا تٷرلٸ “پاكەتتەردٸ” ساتىپ الۋ ۇسىنىلعان. ونىڭ ەسەسٸنە كٷنٸنە 5–10% تابىس ۋەدە ەتٸلگەن. سونىمەن قاتار جاڭا قاتىسۋشىلاردى شاقىرعاندارعا بونۋس بەرەتٸن رەفەرالدىق جٷيە ٸسكە قوسىلعان.
قاراجاتتار جەكە تۇلعالاردىڭ بانك شوتتارى ارقىلى قابىلدانىپ, كەيٸن P2P وپەراتسييالارمەن كريپتوۆاليۋتاعا اۋدارىلىپ وتىرعان. سەنٸم تۋدىرۋ ٷشٸن كومپانييا رەسمي تٸركەلٸپ, كەڭسە اشىپ, جارناما جٷرگٸزٸپ, جالعان “تابىس كٶرسەتكٸشتەرٸن” كٶرسەتكەن.
نەتيجەسٸندە 78 ازامات 110 ملن تەڭگەدەن استام قارجىسىنان ايىرىلعان.
كٷدٸكتٸ قاماۋعا الىنىپ, سوت شەشٸمٸمەن ونىڭ الماتىداعى جەر ۋچاسكەسٸنە تىيىم سالىندى. قىلمىستىق ٸس سوتقا جولداندى.
قارجىلىق مونيتورينگ اگەنتتٸگٸ ازاماتتاردى ينۆەستيتسييالىق ۇسىنىستارعا ساقتىقپەن قاراۋعا شاقىرىپ, كەز كەلگەن جوبانىڭ زاڭدىلىعىن مۇقييات تەكسەرۋدٸ ەسكەرتتٸ.
ايتا كەتەيٸك, بۇعان دەيٸن الماتىدا «NBC TV» اتاۋىمەن بەلگٸلٸ تاعى بٸر قارجى پيراميداسىنا قاتىستى ٸس قوزعالعان بولاتىن.
