سولدان وڭعا قاراي: رەسەي ۆيتسە-پرەمەرٸ ۆيتاليي مۋتكو, پرەزيدەنت ۆلاديمير پۋتين, پرەزيدەنت كٶمەكشٸسٸ يگور لەۆيتين جەنە سانكت-پەتەربۋرگ گۋبەرناتورى گەورگيي پولتاۆچەنكو. 2017 جىل.
رەسەي پرەزيدەنتٸنٸڭ كٶمەكشٸسٸ, بۇرىنعى كٶلٸك مينيسترٸ يگور لەۆيتيننٸڭ وتباسىنا مەسكەۋ تٷبٸندەگٸ شامامەن بٸر ميلليارد رۋبل تۇراتىن جىلجىمايتىن مٷلٸك تيەسٸلٸ. بۇل تۋرالى Insider باسىلىمى جازدى, دەپ حابارلايدى ازاتتىق.
"دوۆيل" كوتتەدجدەر قالاشىعىنداعى زەۋلٸم ٷي مەن قاتار ورنالاسقان ەكٸ جەر تەلٸمٸ پرەزيدەنت كٶمەكشٸسٸنٸڭ جيەنٸ الەكساندرا لەۆيتينا مەن قىزى يۋلييا زۆەرەۆاعا تيەسٸلٸ. ەربٸر جەر تەلٸمٸنٸڭ اۋماعى – 25 سوتىق. باسىلىم كوتتەدجدەر تۇرعىزىلعان جەر تەلٸمٸنٸڭ ەرقايسىسىن 534-549 ملن رۋبلگە باعالايدى. Insider باسىلىمىنىڭ اقپاراتى بويىنشا, بۇل ٷيلەر پرەزيدەنت ٸسٸ جٶنٸندەگٸ باسقارماعا ارنالىپ سالىنعان.
بۇعان دەيٸن "ۆاجنىە يستوريي" باسىلىمى لەۆيتين وتباسىنىڭ قۇنى كەمٸندە 300 ملن دوللار بولاتىن اكتيۆتٸ باسقاراتىنىن حابارلاعان.
يگور لەۆيتين مەملەكەتتٸك قىزمەتتە 16 جىلدان استام جۇمىس جاساعان. 2004-2012 جىلدارى كٶلٸك مينيسترٸ بولىپ تۇرعان كەزدە قالتالى ٷكٸمەت مٷشەلەرٸنٸڭ قاتارىنا كٸرگەن. دەكلاراتسيياعا سەنسەك, ول بىلتىر پرەزيدەنت ەكٸمشٸلٸگٸنٸڭ ٶزگە قىزمەتكەرلەرٸنە قاراعاندا كٶبٸرەك (43 ملن رۋبل) تابىس تاپقان.
لەونيد لەۆيتين 1999 بەن 2005 جىلدار ارالىعىندا "ماگيسترال" كومپانييا توبىنا جاقىن كٶلٸك مەكەمەسٸندە جۇمىس ٸستەگەن. كەيٸنٸرەك "ماگيسترال" توبى "ماگيسترال كونتەينەرنىە لينيي" كومپانيياسىنا اينالدى. رەسەيدٸڭ ٶز ٸشٸندە جەنە حالىقارالىق دەڭگەيدە جٷك تاسىمالداۋمەن اينالىساتىن توپ - نارىقتاعى ٸرٸ ويىنشىلاردىڭ بٸرٸ: ولاردىڭ ازييا ەلدەرٸندە ٶز ٶكٸلدٸگٸ بار, كەيٸنٸرەك فلوتى دا پايدا بولعان.
