نۇر-سۇلتان قالاسىنىڭ كٶپسالالى مەديتسينالىق ورتالىقتىڭ ينفەكتسيونيست دەرٸگەرٸ گٷلنەر نەجٸموۆا حالىقتىڭ ەسٸنە تاعى دا قاۋٸپسٸزدٸك شارالارىن ساقتانۋعا شاقىردى. مامان بۇعان دەيٸنگٸ دەرٸگەرلەردٸڭ كەڭەسٸنە ٷن قوسىپ, جابىق نىساندار مەن بۇقارا كٶپ جينالاتىن ورىندارعا بارماۋ كەرەكتٸگٸن ەسكەرتەدٸ, دەپ حابارلايدى قازاقپارات.
«كٶپ ادام جەلدەتٸلمەيتٸن ورىنداردا بٸر-بٸرٸنە جاقىن جينالىپ قالسا, كوروناۆيرۋس ينفەكتسيياسىنىڭ تارالۋ قاۋپٸ ۇلعايا تٷسەدٸ. مۇنداي جاعدايدا ۆيرۋستىڭ تامشى تٷرٸندە تارالۋ قاۋپٸ جوعارى. سول سەبەپتٸ ازاماتتاردىڭ نىسان ٸشٸنەن قاراعاندا سىرتتا كەزدەسۋٸ ۆيرۋستىڭ تارالۋىن ەدەۋٸر تٶمەندەتەدٸ. جابىق نىساندار مەن بۇقارا كٶپ جينالاتىن ورىندارعا بارماۋعا كەڭەس بەرەمٸز», - دەدٸ گٷلنەر نەجٸموۆا وكق الاڭىندا ٶتكەن باسپاسٶز مەسليحاتىندا.
ينفەكتسيونيست مامان بۇعان دەيٸن دەرٸگەرلەر ايتىپ كەلە جاتقان گيگيەنانىڭ قاراپايىم ەرەجەسٸن ەستەن شىعارماۋ كەرەكتٸگٸن ەسكەرتەدٸ.
«قولدى سپيرتپەن سٷرتٸپ, سابىنمەن جۋۋ كەرەك. وسىلايشا قولعا ميكروب جۇقپايدى. مٷمكٸندٸگٸنشە كٶزدٸ, اۋزىڭىزدى قولمەن ۇستاماڭىز. ازاماتتار كٶبٸنەسە قولىمەن كەز كەلگەن زاتتى ۇستاعاندىقتان, ۆيرۋس قالدىقتارىنىڭ اعزاعا ەنۋ ىقتيمالدىعى جوعارىلاي تٷسەدٸ. قولعا قونعان ۆيرۋس كٶزگە نەمەسە مۇرىن, اۋىزعا جەتٸپ, سول ارقىلى اعزاعا جەتۋٸ ىقتيمال. تٷشكٸرگەندە نەمەسە جٶتەلگەندە مۇرنىڭىزدى قولمەن جاپپاۋعا تىرىسىڭىز. قولدانىلعان سۋلىق ورامالدى بٸردەن لاقتىرىپ وتىرۋ كەرەك. ادامدار كٶبٸرەك قول تيگٸزەتٸن زاتتاردىڭ, ەسٸكتٸڭ تۇتقاسىن, كراندىڭ, ۇيالى تەلەفوننىڭ ەكرانىن ەردايىم دەزينفەكتسييالاپ وتىرىڭىز», - دەدٸ ول.
گٷلنەر نەجٸموۆا ەر ادامنىڭ قىزۋى كٶتەرٸلٸپ, جٶتەلٸ پايدا بولسا, ەلسٸزدٸكتٸ سەزسە بٸردەن دەرٸگەرگە جٷگٸنۋٸ كەرەكتٸگٸن ەسكەرتەدٸ. سونىمەن قاتار كوروناۆيرۋس جۇقتىرعان ادامنىڭ يٸس سەزۋ قابٸلەتٸ تٶمەندەپ, باسى, تاماعى اۋىرۋى مٷمكٸن.
«اۋرۋدىڭ بەلگٸلەرٸ ەلسٸز بولسا دا ازاماتتار ٷيٸندە قالىپ, تولىققاندى جازىلىپ شىعۋى ٷشٸن وقشاۋلانۋى تيٸس. تۇرعىلىقتى مەكەنٸ بويىنشا ەمحاناعا حابارلاسقانى جٶن», - دەيدٸ ول.
ەسكە سالا كەتسەك كەشە نۇر-سۇلتان قالاسى كوروناۆيرۋس تارالۋىنىڭ جوعارى بولۋىنا بايلانىستى «قىزىل» ايماقتا قالىپ وتىرعانى حابارلانعان بولاتىن. سونىمەن قاتار «سارى» ايماقتا اتالعان ٶڭٸردەن باسقا الماتى قالاسى, شىعىس قازاقستان, سولتٷستٸك قازاقستان, اقمولا جەنە اتىراۋ وبلىستارى جاتىر.
