قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ تالعات جانجٷمەنوۆ سەناتور نۇرلان قىلىشباەۆتىڭ ٶكپەنٸ جاساندى جەلدەتەتٸن وتاندىق اپپاراتتاردىڭ بٸر بٶلٸگٸن دەنساۋلىق ساقتاۋ ۇيىمدارى قابىلداماعانى تۋرالى مەلٸمدەمەسٸنە جاۋاپ بەردٸ, دەپ حابارلايدى قازاقپارات.
«1 قاراشاداعى جاعداي بويىنشا مىڭ جارىم ٶجج اپپاراتى ەلٸمٸزدٸڭ 297 ەمدەۋ مەكەمەسٸنە جەتكٸزٸلدٸ, بارلىعى ٸسكە قوسىلعان جەنە پايدالانۋعا دايىن. قازٸرگٸ ۋاقىتتا 140 اپپارات قولدانىستا, قالعاندارى رەزەرۆتە تۇر. بۇل كەزەڭدە نۇر-سۇلتان قالاسىندا ٶجج اپپاراتتارى ۇزاعىراق قولدانىلاتىنى بايقالدى – بارلىق اپپارات جۇمىسىنا شاعىم-ەسكەرتۋ تٷسكەن جوق. ٶتكەن اپتادا سەمەيدە بٸر كومپرەسسوردىڭ ازداعان اقاۋى بولدى, بٸر تەۋلٸكتە بۇل كومپرەسسور اۋىستىرىلدى. بٸز قازاقستان تاريحىندا العاش رەت ٶجج ستاتسيونارلىق تسيفرلىق اپپاراتىن يگەردٸك», - دەدٸ تالعات جانجٷمەنوۆ مينيسترلٸكتە ٶتكەن بريفينگتە.
ۆيتسە-مينيستر اپپاراتتاردىڭ قالاي جاسالاتىنىن تٷسٸندٸرٸپ ٶتتٸ.
«قر ٷكٸمەتٸنٸڭ تاپسىرماسىمەن يندۋسترييا جەنە ينفراقۇرىلىمدىق دامۋ مينيسترلٸگٸنە قىسقا مەرزٸمدە وتاندىق ٶجج اپپاراتتارىن ٶندٸرۋدٸ ۇيىمداستىرۋ تاپسىرىلدى. بۇل جۇمىس ەكٸ جارىم ايعا جالعاستى جەنە ٷش كەزەڭنەن تۇردى: بٸرٸنشٸسٸ - اپپاراتتى تاڭداۋ, دەنساۋلىق ساقتاۋ مينيسترلٸگٸمەن بٸرلەسٸپ, ەلەمنٸڭ تٷرلٸ ٶندٸرۋشٸلەرٸنٸڭ بەس اپپاراتىن تاڭدادىق, ونىڭ اراسىندا تٷركييالىق Biyovent اپپاراتى بارلىق قاجەتتٸ تالاپتارعا ساي كەلدٸ. ەكٸنشٸ كەزەڭدە بٸز قىسقا مەرزٸمدە تٷرٸك ٷكٸمەتٸمەن جەنە «قازاقستان Aselsan ينجينيرينگ» باس زاۋىتىمەن كەلٸسسٶز جٷرگٸزدٸك. ٷشٸنشٸ كەزەڭدە اتقارۋ جۇمىستارىن ۇيىمداستىردىق. زاۋىت ٷش اۋىسىمدىق جۇمىسقا اۋىستى, وندا 250 قىزمەتكەر جۇمىس ٸستەيدٸ, ٶجج اپپاراتتارىن جاساۋ جولدارى ٷيرەتٸلدٸ. Biyovent اپپاراتى اعىلشىن تٸلٸندە ٸستەگەندٸكتەن, بٸزدٸڭ ماماندار ورىس تٸلٸنە اۋدارما جاسادى جەنە دەنساۋلىق ساقتاۋ مينيسترلٸگٸنٸڭ تالابىمەن ەر ٶجج اپپاراتىنا كومپرەسسورلار مەن ىلعالداۋىشتار قويىلدى», - دەپ تٷسٸندٸردٸ ت. جانجٷمەنوۆ.
بۇعان دەيٸن سەناتور نۇرلان قىلىشباەۆ رەسپۋبليكالىق بيۋدجەت قاراجاتىن جۇمساۋدى, ەسٸرەسە مەملەكەتتٸڭ ەلەۋمەتتٸك مٸندەتتەردٸ ورىنداۋىنا جەنە COVID-19-عا قارسى كٷرەس جٶنٸندەگٸ شارالارعا بايلانىستى تەسٸلدەردٸ قايتا قاراۋعا شاقىردى.
«يندۋسترييا جەنە ينفراقۇرىلىمدىق دامۋ مينيسترلٸگٸ ٷكٸمەت رەزەرۆٸنٸڭ قاراجاتى ەسەبٸنەن وتاندىق ٶندٸرۋشٸدەن 1500 دانا ٶجج اپپاراتىن ساتىپ العان, 17 ٶڭٸردٸڭ دەنساۋلىق ساقتاۋ ۇيىمدارى ٸس جٷزٸندە تەك 831-ٸن عانا قابىلدادى. قالعان 669 ٶجج اپپاراتى تولىقتىرىلماعانى ٷشٸن قابىلدانباعان», - دەپ مەلٸمدەدٸ دەپۋتات.
