ەنشٸ ديماش قۇدايبەرگەننٸڭ «ليۋبوۆ ۋستاۆشيح لەبەدەي» ەنٸ يندونەزييالىق گامەلانمەن ورىندالدى. وسىلايشا, الىس شەتەلدەگٸ فان-كلۋب سٷيٸكتٸ ەنشٸسٸنە زور قۇرمەتٸن جولداپ وتىر, دەپ حابارلايدى dimashnews.com سايتى.
گامەلان – ياۆا جەنە بالي ارالدارىندا پايدا بولعان دەستٷرلٸ يندونەزييالىق مۋزىكالىق انسامبل. گامەلاننىڭ نەگٸزٸن بونانگ, گەندەر, گونگ, كەندانگ, كەنونگ, سارون, رەباب جەنە باسقا دا مۋزىكالىق اسپاپتار قۇرايدى. ولاردىڭ كەيبٸرەۋلەرٸ قازاق حالىق مۋزىكالىق اسپاپتارىمەن ۇقساستىعى بار. مىسالى, رەباب – قوبىزعا ۇقساس ەدەمٸ ٸشەكتٸ اسپاپ, ال كەندانگ – قازاق داۋىلپازىنىڭ ويناۋ تەحنيكاسىنا ۇقساس ۇرمالى اسپاپ.
«جاقىندا ديماشتىڭ يندونەزييالىق «DID» فان-كلۋبىنىڭ كيكي چان ەسٸمدٸ بويجەتكەنٸ قازاقستاندىق ورىنداۋشى رەپەرتۋارىنداعى يگور كرۋتويدىڭ «ليۋبوۆ ۋستاۆشيح لەبەدەي» ەنٸنٸڭ اسپاپپەن ورىندالعان ٷنٸنە گامەلان ورىنداعان ەۋەندٸ قوستى. جاڭا كاراوكە-نۇسقاسىن ۇسىندى. كٶپتەگەن Dears بۇل نۇسقانى ٶزدەرٸنٸڭ كاۆەرلەرٸنە پايدالانادى», - دەلٸنگەن حابارلامادا.
بولاشاقتا كيكي چان ەندٸ ٶزٸنە ىڭعايلى ەتٸپ شىرقاۋ ٷشٸن سيندەندٸ شاقىرۋدى جوسپارلاپ وتىر. فان-كلۋبقا قاتىسۋشىلاردىڭ بٸرٸ نيتا تامرين مەتٸننٸڭ يندونەزييالىق نۇسقاسىن جازىپ, جوسپاردى جٷزەگە اسىرۋ ٷشٸن سيندەنگە حابارلاستى.
