31 ارنا I’m a Singer تالانت-شوۋىنىڭ قازاقستاندىق نۇسقاسىن جاساۋعا كٸرٸستٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
حالىقارالىق كاستينگ ماۋسىم ايىندا باستالادى: ٸرٸكتەلگەن 14 ٷمٸتكەر ەڭ ٷزدٸك ەنشٸ دەگەن اتاققا تالاسادى. كاستينگ تەك قانا ەلٸمٸزدٸڭ ايماقتارىندا عانا ٶتپەيدٸ. قازاقستان العاش رەت قىرعىزستاننان, ٶزبەكستاننان, رەسەيدەن, ۋكراينادان كەلگەن قاتىسۋشىلاردى قابىلدايدى. شوۋعا سونداي-اق قحر-دان كەلگەن ەرتٸستەر دە قاتىسادى.
"I’m a Singer فورماتى Got Talent, X Factor, The Voice سيياقتى جانرلىق جاعىنان ۇقساس جوبالاردان ايتارلىقتاي ٶزگەشە, - دەپ جازدى ٶزٸنٸڭ فەيسبۋكتەگٸ پاراقشاسىنا 31 ارنانىڭ باس ديرەكتورى باعدات قوجاحمەتوۆ. - وعان تەك قانا كەسٸبي مۋزىكانتتار, بولماسا تٶلتۋما تالانتتار عانا قاتىسا الادى. وركەستردٸڭ نەمەسە كەسٸبي دجاز-بەندتٸڭ سٷيەمەلدەۋٸمەن ەلەمدٸك ەسترادانىڭ ەرتٷرلٸ جانرداعى سۋپەرحيتتەرٸ عانا ورىندالادى. ال ەڭ باستىسى, جوبا قاتىسۋشىلارىن سۇرىپتاۋ مەحانيزمٸ مٷلدە باسقاشا ەدٸسپەن جٷرەدٸ: ەنشٸلەرگە ستۋديياداعى كٶرەرمەندەر داۋىس بەرەدٸ, ودان سوڭ ەڭ مىقتى دەگەن جەتٸ قاتىسۋشى ٸرٸكتەلٸپ, بارلىعى فينالعا دەيٸن ەن سالادى دا, سوڭىندا سولاردىڭ ٷشەۋٸ عانا جەڭٸمپاز اتانادى. مۇنداي ەدٸس تەلەكٶرەرمەندەردٸ كٶپتەپ تارتۋعا كٶمەكتەسەدٸ. سونداي-اق كٶرەرمەن شوۋدىڭ فينالىندا ٶزٸنە ۇناعان ەنشٸنٸ اينا-قاتەسٸز انىقتاۋعا مٷمكٸندٸك الادى.
ەسكە سالايىق, I’m a Singer جوباسىنىڭ قىتايلىق نۇسقاسىنىڭ سوڭعى ماۋسىمىندا قازاقستاندىق ەنشٸ ديماش قۇدايبەرگەنوۆ ەلەمدٸك دەڭگەيدەگٸ جۇلدىز اتانعان ەدٸ. ونىڭ تۋما تالانتى, ەرەكشە جوعارى, بٸرەگەي داۋىس دياپازونى, سونىمەن بٸرگە كٷتپەگەن جەردەن تاڭدالعان رەپەرتۋاردى سەتتٸ ورىنداۋى بەسەكەلەستەرٸن باسىپ وزۋعا عانا ەمەس, ەلەمدٸك شوۋ-بيزنەس ساحناسىنىڭ جارىق جۇلدىزىنا اينالۋىنا كٶپ ىقپال ەتتٸ. ديماشتىڭ جانكٷيەرلەرٸ عانا ەمەس, بٸزدٸڭ ساراپشىلار دا مۋزىكالىق سەرياليتيدٸڭ ناعىز جەڭٸمپازى قازاقستاندىق ورىنداۋشىنىڭ بولعانىن مويىنداپ وتىر.
الايدا شوۋ پروديۋسەرلەرٸ ديماش قۇدايبەرگەن I’m a Singer جوباسىنىڭ قازاقستاندىق نۇسقاسىنا قاتىسا ما جەنە قانداي فورماتتا بولادى دەگەن سۇراققا جاۋاپ بەرۋدەن ەزٸرشە باس تارتتى.
"بٸز ەزٸرشە بار قۇپييانى جايىپ سالا المايمىز, - دەپ, قازاقستانداعى نۇسقانىڭ باستالۋى جايىندا ٶز پٸكٸرٸن بٸلدٸردٸ 31 ارنانىڭ باس پروديۋسەرٸ نۇرجان مۇحامەدجانوۆا. - دەگەنمەن, I’m a Singer بايقاۋى بيىلعى جىلى قازاقستاننىڭ ەڭ باستى تەلەۆيزييالىق قۇبىلىسى عانا ەمەس, سونداي-اق بٷكٸل ورتا ازييا ايماعىنىڭ ەڭ باستى جاڭالىعى بولاتىنىنا سەنٸمدٸمٸن. بۇل ەڭ تاڭداۋلى, ەڭ تالانتتى, كەسٸبي دەڭگەيٸ ەڭ جوعارى, ەرەكشە دارىندى, بٸرتۋما, ەڭ باتىل دەگەن ورىنداۋشىلاردىڭ شايقاسى... بٸزدٸڭ ەلدە تالانتتار كٶپ. وسى جوبا ارقىلى بٸز سونى دەلەلدەمەكپٸز. شوۋدىڭ جارىعى, دىبىسى, دەكوراتسيياسى سيياقتى كەسٸبي پارامەترلەرٸنە قويىلاتىن تالاپتاردى ايتپاعاننىڭ ٶزٸندە, وسى بٸر تەلەۆيزييالىق قۇدٸرەتتٸ دٷنيەگە ەكەلۋگە ەڭ مىقتى رەسۋرستار مەن كٷش جۇمىلدىرىلدى".
جەڭٸمپازدىڭ باستى سىيلىعى - شوۋدىڭ عالامدىق نۇسقاسىنا قاتىسۋعا جولداما: تالانتتى جەڭٸمپاز ديماشتىڭ جەتٸستٸگٸن قايتالاپ, قىتايدى عانا ەمەس, بٷكٸل ەلەمدٸ اۋزىنا قاراتۋعا مٷمكٸندٸك الادى. I’m a Singer بايقاۋى 31 ارنادا قىركٷيەك ايىندا باستالادى. ەكٸ ساعاتتىق تالانت-شوۋ سەنبٸ جەنە جەكسەنبٸ كٷندەرٸ پرايمتايمدا تٸكەلەي ەفيردەن بەرٸلەدٸ. 31 ارنا بايقاۋدىڭ ناقتى كٷنٸ مەن تايم-سلوتىن جاقىن كٷندەرٸ حابارلاۋعا ۋەدە بەرەدٸ.
