تالدىقورعاندا اۋىر اتلەتيكادان ٶتكەن قازاقستان سپارتاكياداسىندا يليا يلين جەڭٸسكە جەتتٸ. تٶرت دٷركٸن ەلەم چەمپيونى 102 كەلٸگە دەيٸنگٸ سالماقتا ٶنەر كٶرسەتتٸ, دەپ حابارلايدى "ۇلت اقپارات".
سپورتشى «جۇلقا كٶتەرۋدە» 170 كەلٸنٸ ەڭسەرٸپ, قارسىلاستارىنان وق بويى وزىق تۇردى.
«سەرپە كٶتەرۋدە» يليان يلين 200 كەلٸ سالماقتى بٸرٸنشٸ مٷمكٸندٸگٸندە كٶتەرە الماي, ەكٸنشٸ تالپىنىسىندا باعىندىردى. ال ٷشٸنشٸ مٷمكٸندٸگٸندە 205 كەلٸگە تاپسىرىس بەرٸپ, ٶكٸنٸشكە وراي زٸلتەمٸرگە شاماسى جەتپەدٸ. قوس سايىستىڭ قورىتىندىسى بويىنشا يليا يلين 370 كەلٸنٸ (170 كەلٸ جۇلقا كٶتەرۋ-200 كەلٸ سەرپە كٶتەرۋ) كٶتەرٸپ, سپارتاكيادانىڭ جەڭٸمپازى اتاندى.
وسى بەسەكە كەزٸندە يليا يلين بۇعان دەيٸنگٸ جارىستاردا كٶرسەتكەن نەتيجەسٸنەن جوعارى كٶرسەتكٸشكە قول جەتكٸزدٸ.
ايتا كەتەيٸك, تالدىقورعاندا 4-9 تامىز ارالىعىندا قازاقستاننىڭ اۋىر اتلەتيكادان سپارتاكياداسى ٶتتٸ. جارىس بٷگٸن مەرەسٸنە جەتتٸ.
