الماتى وبلىسى اۋماعىنداعى ٸلە-بالقاش مەملەكەتتٸك تابيعي رەزەرۆاتىندا جٷرگەن بۇعىلاردىڭ موينىنا GPRS باۋلار تاعىلدى. بۇل باۋلار بۇعىلاردىڭ قوزعالىسىن باقىلىپ, ولاردىڭ جاعدايىن بٸلۋگە مٷمكٸندٸك بەرەدٸ, دەپ حابارلايدى قازاقپارات تٸلشٸسٸ.
ٸلە-بالقاش مەملەكەتتٸك تابيعي رەزەرۆاتى ٶتكەن جىلدىڭ ماۋسىم ايىندا اشىلعان بولاتىن. مۇنداعى ماقسات دەل وسى اۋماقتا كەزٸندە مەكەن ەتٸپ, جويىلىپ كەتكەن جولبارىستاردىڭ پوپۋلياتسيياسىن جانداندىرۋ. 400 مىڭ گەكتاردان استام جەر ەرەكشە قورعالاتىن اۋماققا اينالىپ, جولبارىستاردى 2025 جىلى جٸبەرۋ جوسپارلانىپ وتىر. ال وعان دەيٸن جىرتقىشتىڭ ازىقتىق قورىن قامتاماسىز ەتۋ كەرەك. سوندىقتان تٷرلٸ شٶپقورەكتٸ جانۋارلاردىڭ سانىن كٶبەيتۋ جۇمىستارى باستالىپ كەتتٸ. العاشقى بولىپ مۇندا بىلتىر توعاي بۇعىلارى ەكەلٸندٸ. قازٸر ولاردىڭ ۇرعاشىلارىنا ارنايى باۋلار تاعىلىپ, قوزعالىسى باقىلاۋعا الىندى.
«GPRS باۋلار «WWF» - بٷكٸلەلەمدٸك جابايى تابيعات قورىنىڭ قازاقستانعا جولبارىستى قايتارۋ باعدارلاماسى اياسىندا الىندى. مويىن باۋلاردان كەلٸپ تٷسكەن مەلٸمەتتەردٸ رەزەرۆاتتىڭ عىلىمي بٶلٸمٸ ساراپتايتىن بولادى. مەسەلەن, بۇعىلاردىڭ رەزەرۆات اۋماعىنداعى قوزعالىسى, بەلگٸلٸ بٸر مەكەندە قانشا ۋاقىت ايالداۋى باقىلانادى, تٸپتٸ مارال ٶلٸپ قالعان جاعدايدا دا اقپارات الۋعا بولادى», - دەيدٸ رەزەرۆاتتىڭ بٶلٸم باسشىسى لينا ۆالدشميت.
سونداي-اق, ونىڭ ايتۋىنشا, بۇل باۋلاردىڭ قۋاتى 2 جىلعا جەتەدٸ.
«ولاردى قاۋٸپسٸزدٸك ماقساتىندا تەك ۇرعاشى جانۋارلارعا تاعۋعا بولادى. جاس تٶلدٸڭ ٶسەتٸنٸن ەسكەرسەك, باۋ ولاردى تۇنشىقتىرۋى مٷمكٸن. ال ەركەك بۇعىلار ٶتە بەلسەنبٸ بولعاندىقتان, مٷيٸزٸمەن ٸلٸپ كەتٸپ, ٶزٸن جاراقاتتاپ, قوندىرعىنى بۇزىپ تاستاۋى مٷمكٸن», - دەپ ويىن تولىقتىردى لينا ۆالدشميت.
