الماتى قوعامدىق كەڭەسٸنٸڭ مٷشەلەرٸ مەن مينيسترلەر ٸلە الاتاۋى تابيعي ۇلتتىق پاركٸندە تۋريستەردٸڭ قاۋٸپسٸزدٸگٸن قامتاماسىز ەتۋ مەسەلەسٸن تالقىلادى, دەپ حابارلايدى "ۇلت اقپارات".
بٷگٸن ٸلە-الاتاۋى تابيعي ۇلتتىق پاركٸندەگٸ 35 گەكتار جەردٸ جالعا العان «كۋلتاۋ ي ك» جشس ديرەكتورى الەكساندر گۋجاۆيننٸڭ قاتىسۋىمەن قوعامدىق كەڭەستٸڭ ونلاين وتىرىسى ٶتتٸ.
ايتا كەتەيٸك, الەكساندر گۋجاۆين جالپى كٶلەمٸ 35 گا بولاتىن ٷلكەن الماتى, كٸشٸ الماتى, كامەن, تالعار, كٶكباستاۋ, تٷرگەن ورمان شارۋاشىلىعى اۋماعىن پايدالانۋعا العان. تەندەرلٸك كوميسسييانىڭ شەشٸمٸمەن №1 لوت جەڭٸمپازى بولىپ «كۋلتاۋ ي ك» جشس تانىلعان بولاتىن.
جەكە ينۆەستور بارلىق قاتىسۋشىلاردى جاڭا جوبامەن تانىستىردى. ونىڭ ايتۋىنشا, جوبا تابيعاتتى قورعاۋعا, قولجەتٸمدٸلٸكتٸ, جايلىلىق پەن قاۋٸپسٸزدٸكتٸ قامتاماسىز ەتۋگە كٶمەكتەسەدٸ.
«2019 جىلعا جاسالعان تالداۋعا نازار اۋدارساق, تۋريستەر تاۋدا ەكٸ كٷن سايىن اداسىپ كەتەتٸن. ياعني بٸر جىلدا 180 ادام. مەنٸڭ ويىمشا, بۇل - تاۋ ٷشٸن ٶتە كٶپ», - دەيدٸ الەكساندر گۋجاۆين.
سونىمەن قاتار ول ۆولونتەرلەر تاراپىنان ۇسىنىلعان ەرەكشە يدەيانى اتاپ ٶتتٸ.
«بٸزدە بٸر قىزىق جاعداي بولدى. سيۆەرس الما اعاشىن وتىرعىزعان كٷنٸ التى اي بۇرىن تاۋدا جوعالىپ كەتكەن قىز تابىلدى. ول تاۋعا جالعىز كەتكەن ەكەن. سودان كەيٸن ەسەل اتتى ۆولونتەر قاراپايىم باستاما جاسادى. مۇنداعى ەربٸر ورتالىقتا جۋرنال بولۋى كەرەك.تاۋعا باراتىن تۋريستەردٸڭ بارلىعى وسى جۋرنالعا تٸركەلۋٸ تيٸس. وندا ادامدار قاي باعىتتا كٸممەن بارا جاتقانى تۋرالى تولىق اقپارات قالدىرادى. بۇل - رەسپۋبليكالىق جەدەل- قۇتقارۋ جاساعى ٷشٸن ٷلكەن كٶمەك بولماق»,– دەدٸ ول.
ٶز كەزەگٸندە قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەرلان نىسانباەۆ قاۋٸپسٸزدٸك مەسەلەسٸندە شەت ەلدەردٸڭ تەجٸريبەسٸ دە زەرتتەلگەنٸن ايتتى.
«بٸز مۇنىڭ بارلىعى شەتەلدە قالاي ۇيىمداستىرىلعانىن كٶردٸك. نەگٸزگٸ شارت - جاقسى ويلاستىرىلعان باعىتتاردى قۇرۋ نەمەسە ۇيىمداستىرۋ. بٸز امەريكاداعى بٸرنەشە ۇلتتىق پاركتە بولدىق. سٸز جاي عانا كەز كەلگەن جەردە جٷرە المايسىز. وعان رۇقسات جوق. بارلىق تۋريستٸك باعىتتار قاۋٸپسٸزدٸك ەرەجەلەرٸمەن قامتاماسىز ەتٸلگەن. تۋريستەردٸڭ ٶز بەتٸنشە قالاعان جاعىنا كەتۋٸنە جول بەرمەۋ ٷشٸن زاڭمەن رەتتەۋ كەرەك شىعار. بۇل - قاۋٸپسٸزدٸكتٸ قامتاماسىز ەتۋدٸڭ باستى شارتتارىنىڭ بٸرٸ», - دەپ تولىقتىردى ە. نىسانباەۆ.
