قازاقستان كەز كەلگەن مٶلشەردەگٸ ماريحۋاننانى زاڭداستىرۋدى قاراستىرىپ جاتقان جوق. بۇل تۋرالى قر ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باستىعى تٸلەگەن ماتكەنوۆ ايتتى, دەپ حابارلايدى قازاقپارات تٸلشٸسٸ.
«قازٸرگٸ تاڭدا قازاقستان كەز كەلگەن مٶلشەردەگٸ ماريحۋاننانى زاڭداستىرۋدى ويلاپ وتىرعان جوق. بٸزدٸڭ شۋ اڭعارىندا ٶسەتٸن جابايى ماريحۋاننانىڭ كانابيستٸك قۇرامى – 5 پايىز عانا. نيدەرلاندىدا مەسەلەن, كانابيستٸك قۇرام 15-17 پايىزعا دەيٸن بولادى», - دەدٸ ول ۆەدومستۆودا ٶتكەن باسپاسٶز مەسليحاتىندا.
دەپارتامەنت باستىعىنىڭ ايتۋىنشا, كەز كەلگەن ناشاقور كەزٸندە ەسٸرتكٸنٸڭ جەڭٸل تٷرٸنەن باستاعان.
«ماريحۋانانى زاڭداستىرا باستاعان مەملەكەتتەردٸڭ بەرٸ باسقا پروبلەمامەن بەتپە-بەت كەلۋدە, ەندٸ ولاردا گەرويننٸڭ ورنىن مەتادون (قانعا ينە ارقىلى ەنگٸزٸلمەي, جۇتىلا سالاتىن سينتەتيكالىق ەسٸرتكٸ) باسىپ بارا جاتىر. ياعني, بەلگٸلٸ بٸر ەسٸرتكٸنٸ قابىلداپ جٷرگەن ناشاقورلار ەسٸرتكٸنٸڭ اۋىر تٷرٸن, ياعني گەرويندٸ ٸزدەپ, كٶشەگە شىعىپ كەتكەن. ەسٸرتكٸنٸڭ اۋىر تٷرٸنەن باستاپ كەتكەن بٸردە-بٸر ناشاقور جوق. بەرٸ دە جەڭٸل تٷرٸن تاتىپ كٶرۋدەن باستالادى», - دەدٸ ول.
ەسكە سالا كەتسەك, بۇعان دەيٸن تٸلەگەن ماتكەنوۆ ەسٸرتكٸمەن اينالىسقان 5 قىلمىستىق توپتىڭ ەرەكەتٸنە شەكتەۋ قويىلعانىن ايتقان ەدٸ.
