فوتو: yujanka.kz
مەجٸلٸستٸڭ جالپى وتىرىسىندا دەپۋتات جاناربەك ەشٸمجان ٸشكٸ ٸستەر مينيسترلٸگٸنٸڭ باسشىسىنان جۋرناليست ەرەنعايىپ قۋاتايۇلىنىڭ ۇستالۋىنا قاتىستى سۇراق قويدى, - دەپ حابارلايدى Tengrinews.kz.
دەپۋتاتتىڭ ايتۋىنشا, ۇستالعان جۋرناليستەن ەش دەلەلسٸز جاۋاپ الىنعان كٶرٸنەدٸ.
"بٸز ونى تالانتتى جۋرناليست, بوستون مەن لوندون مارافوندارىنىڭ قاتىسۋشىسى رەتٸندە بٸلەمٸز. ول الماتىعا ۇشىپ كەلگەن, ال قاراعاندىعا ۇشقاندا ونى تٶرت ساعات ۇستادى. ناقتى مىسالدارعا توقتالعىم كەلەدٸ. قازٸر بٸز كٶپ نەرسەنٸ كٶرٸپ وتىرمىز. ەلٸمٸزدە جٷرگٸزٸلٸپ جاتقان رەفورمالاردىڭ نەتيجەلەرٸ بار. بۇل جەردە كەيبٸر قاجەتسٸز قادامدار بار ەكەنٸ انىق. ياعني, وسى مەسەلەلەردٸ ەسكەرۋ قاجەت...", - دەدٸ دەپۋتات.
ال مينيستر مارات احمەتجانوۆتان ناقتى جاۋاپ بولعان جوق.
"ەر دەرەكتٸ بٶلەك قاراستىرۋ كەرەك. بٸز - قۇقىقتىق مەملەكەتپٸز, بٸز زاڭعا نەگٸزدەلٸپ جۇمىس ٸستەيتٸن بولامىز", - دەدٸ ول.
كەيٸن مەجٸلٸس كۋلۋارىندا باق ٶكٸلدەرٸ ٸشكٸ ٸستەر مينيسترلٸگٸ باسشىسىنان جۋرناليستٸڭ ۇستالۋىنا قاتىستى جاعدايدى تولىعىراق تٷسٸندٸرۋدٸ سۇرادى.
"بٸز ونى انىقتاۋىمىز كەرەك. ونى تٶرت ساعات نەمەسە بٸر ساعات ۇستادى ما, بٸلمەيمٸن. ەربٸر دەرەك بويىنشا ناقتى قىزمەتتٸك تەكسەرۋ جٷرگٸزٸلەدٸ. ەگەر بۇل جالعان ايىپ بولسا, بۇل ادام دا جاۋاپقا تارتىلادى", - دەپ تٷسٸندٸردٸ احمەتجانوۆ.
