فوتو: Polisia.kz
ٸشكٸ ٸستەر مينيسترلٸگٸنٸڭ حابارلاۋىنشا ۆەدومستۆو تٶرت ايدا ٷش مىڭعا جۋىق ەسٸرتكٸ قۇقىق بۇزۋشىلىعىن انىقتاعان. ونىڭ ٸشٸندە 828 ساتۋ فاكتٸسٸ بار, دەپ حابارلايدى Ult.kz.
زاڭسىز اينالىمنان شامامەن 3,5 توننا ەسٸرتكٸ تەركٸلەندٸ: 259 كگ سينتەتيكا, ەكٸ تونناعا جۋىق ماريحۋانا, 303 كگ گاشيش. 83 ەسٸرتكٸ زەرتحاناسى جويىلدى. التى تونناعا جۋىق پرەكۋرسور تەركٸلەندٸ. 20 ۇيىمداسقان قىلمىستىق توپتىڭ جولى كەسٸلدٸ. زاڭسىز كونتەنتٸ بار 11 مىڭنان استام سايت, سونداي-اق 1 ملرد تەڭگەدەن استام سوماعا 12 مىڭ بانك كارتاسى مەن شوت بۇعاتتالدى. 1783 ادام ۇستالدى, ونىڭ 669-ى قاماۋعا الىندى.
ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ مٸندەتٸن اتقارۋشى دانييار مەيٸرحاننىڭ سٶزٸنشە, سەۋٸر ايىندا بٸرقاتار سەتتٸ وپەراتسييا جٷرگٸزٸلدٸ. قوسشى قالاسىندا اقمولا وبلىسىنىڭ تۋماسى ۇستالدى. ونىڭ اۆتوكٶلٸگٸنەن 6,5 كگ a-رvر سينتەتيكالىق ەسٸرتكٸسٸ تەركٸلەندٸ. ودان كەيٸن جٷرگٸزٸلگەن ٸس-شارالار بارىسىندا باسقا دا كٷدٸكتٸلەر - سولتٷستٸك قازاقستان وبلىسىنىڭ تۇرعىندارى ۇستالدى. ولاردان تاعى بٸر كيلوگرامم سينتەتيكا تەركٸلەندٸ. استانا قالاسىندا اقتٶبە تۇرعىنى ۇستالدى. ودان 2,5 كگ سينتەتيكالىق ەسٸرتكٸ تەركٸلەندٸ.
"بارلىق كٷدٸكتٸ ۋاقىتشا ۇستاۋ يزولياتورىنا قامالدى. بۇل باعىتتاعى جۇمىس جالعاسۋدا", - دەدٸ دانييار مەيٸرحان.
