قاشىقتان بٸلٸم بەرۋ بويىنشا ۆيدەو-ساباقتاردى تٷسٸرۋ, تسيفرلىق بٸلٸم بەرۋ رەسۋرستارىن دايىنداۋ جۇمىستارى جٷرگٸزٸلۋدە. بۇل تۋرالى ورتالىق كوممۋنيكاتسييالار قىزمەتٸندە ونلاين ٶتكەن بريفينگتە قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«ينتەرنەت پلاتفورما تۋرالى دا مەسەلە بار. ينتەرنەت پلاتفورمانى جەتٸلدٸرۋ تۋرالى پەداگوگتاردى, اتا-انالاردىڭ ۇسىنىستارىن تىڭدادىق. قازٸرگٸ ۋاقىتتا ٸت- كومپانييالارمەن كەلٸسسٶز جٷرگٸزٸلٸپ, ولار ينتەرنەت پلاتفورمانى جاڭعىرتۋ بويىنشا جۇمىستار جٷرگٸزٸپ جاتىر», - دەيدٸ بٸلٸم جەنە عىلىم مينيسترٸ اسحات ايماعامبەتوۆ.
ونىڭ ايتۋىنشا, جاڭا وقۋ جىلىنىڭ بٸرٸنشٸ, ەكٸنشٸ توقسانى بويىنشا وقۋ ماتەريالدارى ينتەرنەت پلاتفورماعا ەنگٸزٸلٸپ قويدى. ەندٸ وسى ساباقتار ەرەكشە قاجەتتٸلٸگٸ بار وقۋشىلار ٷشٸن قولجەتٸمدٸ بولۋى ٷشٸن جۇمىستار اتقارىلىپ جاتىر.
«بٸز قوسىمشا سۋردو-اۋدارمامەن قامتاماسىز ەتۋ, شريفت كٶلەمٸن ۇلعايتۋ تۋرالى ايتتىق. بۇل مەسەلەلەر بٸزدٸڭ تاراپىمىزدان ەسكەرٸلدٸ. ۆيدەو-ساباقتاردى تٷسٸرۋ, تسيفرلىق بٸلٸم بەرۋ رەسۋرستارىن دايىنداۋ جۇمىستارى جٷرگٸزٸلۋدە», - دەيدٸ ول.
