Qashyqtan bilim berý boiynsha video-sabaqtardy túsirý, tsifrlyq bilim berý resýrstaryn daiyndaý jumystary júrgizilýde. Bul týraly Ortalyq kommýnikatsiialar qyzmetinde onlain ótken brifingte QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Internet platforma týraly da másele bar. Internet platformany jetildirý týraly pedagogtardy, ata-analardyń usynystaryn tyńdadyq. Qazirgi ýaqytta IT- kompaniialarmen kelissóz júrgizilip, olar internet platformany jańǵyrtý boiynsha jumystar júrgizip jatyr», - deidi Bilim jáne ǵylym ministri Ashat Aimaǵambetov.
Onyń aitýynsha, jańa oqý jylynyń birinshi, ekinshi toqsany boiynsha oqý materialdary internet platformaǵa engizilip qoidy. Endi osy sabaqtar erekshe qajettiligi bar oqýshylar úshin qoljetimdi bolýy úshin jumystar atqarylyp jatyr.
«Biz qosymsha sýrdo-aýdarmamen qamtamasyz etý, shrift kólemin ulǵaitý týraly aittyq. Bul máseleler bizdiń tarapymyzdan eskerildi. Video-sabaqtardy túsirý, tsifrlyq bilim berý resýrstaryn daiyndaý jumystary júrgizilýde», - deidi ol.
