"ريو-دە-جانەيرودا ٶتٸپ جاتقان وليمپيادا ويىندارىندا ەيەلدەر اراسىندا ەركٸن كٷرەستەن 75 كەلٸگە دەيٸنگٸ سالماقتا ەل نامىسىن قورعاعان گيۋزەل مانيۋروۆا فينالدىق بەلدەسۋدە جەڭٸلٸس تاۋىپ, كٷمٸس مەدال يەگەرٸ اتاندى", - دەپ جازادى "ۇلت اقپارات".
شەشۋشٸ كەزدەسۋدە ول كانادالىق ەريكا ۋيبەگە ەسە جٸبەردٸ. قورىتىندى ەسەپ - 6:0
وتانداسىمىز بوز كٸلەمدەگٸ بٸرٸنشٸ بەلدەسۋٸندە ماجار ەلٸنٸڭ بالۋانى جانەتت نەمەتتٸ جەڭسە, شيرەك فينالدا كامەرۋندىق اننابەل اليدٸ جارىس جولىنان شىعاردى. ال, جارتىلاي فينالدا وعان سەتتٸلٸك جولداس بولدى. كەزدەسۋ اياقتالۋىنا 8 سەكۋند قالعاندا 8:6 ەسەبٸمەن رەسەيلٸك بالۋان الدا تۇرعان ەدٸ. جەرلەسٸمٸز تاباندىلىق كٶرسەتٸپ, سوڭعى سەتتە جەڭٸستٸ جۇلىپ الدى.
ايتا كەتەيٸك, گيۋزەل مانيۋروۆا بۇعان دەيٸن رەسەي قۇراماسى ساپىندا افينا وليمپياداسىندا كٷمٸس جٷلدەگەر اتانعان. ال لوندوندا قازاقستان اتىنان شىعىپ, قولا مەدال ەنشٸلەگەن ەدٸ.
ۇلت پورتالى
