"Rio-de-Janeiroda ótip jatqan Olimpiada oiyndarynda áielder arasynda erkin kúresten 75 kelige deiingi salmaqta el namysyn qorǵaǵan Giýzel Maniýrova finaldyq beldesýde jeńilis taýyp, kúmis medal iegeri atandy", - dep jazady "Ult aqparat".
Sheshýshi kezdesýde ol kanadalyq Erika Ýibege ese jiberdi. Qorytyndy esep - 6:0
Otandasymyz boz kilemdegi birinshi beldesýinde majar eliniń balýany Janett Nemetti jeńse, shirek finalda kamerýndyq Annabel Alidi jarys jolynan shyǵardy. Al, jartylai finalda oǵan sáttilik joldas boldy. Kezdesý aiaqtalýyna 8 sekýnd qalǵanda 8:6 esebimen reseilik balýan alda turǵan edi. Jerlesimiz tabandylyq kórsetip, sońǵy sátte jeńisti julyp aldy.
Aita keteiik, Giýzel Maniýrova buǵan deiin Resei quramasy sapynda Afina Olimpiadasynda kúmis júldeger atanǵan. Al Londonda Qazaqstan atynan shyǵyp, qola medal enshilegen edi.
Ult portaly
