"ريو-دە-جانەيرودا ٶتٸپ جاتقان وليمپيادا ويىندارىندا ەيەلدەر اراسىندا ەركٸن كٷرەستەن 75 كەلٸگە دەيٸنگٸ سالماقتا ەل نامىسىن قورعاعان گٷزەل مانيۋروۆا جارتىلاي فينالدا رەسەيلٸك ەكاتەرينا بۋكينامەن جولىقتى", - دەپ جازادى "ۇلت اقپارات".
75 كەلٸگە دەيٸنگٸ سالماقتا بەلدەسەتٸن گيۋزەل مانيۋروۆا بوز كٸلەمدەگٸ بٸرٸنشٸ بەلدەسۋٸندە ماجار ەلٸنٸڭ بالۋانى جانەتت نەمەتتٸ جەڭسە, شيرەك فينالدا كامەرۋندىق اننابەل اليدٸ جارىس جولىنان شىعاردى. ال, جارتىلاي فينالدا وتانداسىمىزعا سەتتٸلٸك جولداس بولدى. كەزدەسۋ اياقتالۋىنا 8 سەكۋند قالعاندا 8:6 ەسەبٸمەن رەسەيلٸك بالۋان الدا تۇرعان ەدٸ. جەرلەسٸمٸز تاباندىلىق كٶرسەتٸپ, سوڭعى سەتتە جەڭٸستٸ جۇلىپ الدى.
ەندٸ, قازاقستاندىق بالۋان فينالدا كٷرەسەدٸ. قازٸرگٸ كەزدە قورجىندا كەمٸ كٷمٸس مەدال بار. 38 جاستاعى قازاقستاندىق سپورتشى فينالدا كانادالىق ەريك ەليزابەتپەن بەلدەسەدٸ.
ايتا كەتەيٸك, گيۋزەل مانيۋروۆا بۇعان دەيٸن رەسەي قۇراماسى ساپىندا افينى وليمپياداسىندا كٷمٸس جٷلدەگەر اتانعان. ال لوندوندا قازاقستان اتىنان شىعىپ, قولا مەدال ەنشٸلەگەن ەدٸ.
